February 19, 2022
February 19, 2022
ദോഹ : അൽ ശമാൽ റോഡിനെയും താനി അൽ ജാസിമിനെയും നേരിട്ട് ബന്ധിപ്പിക്കുന്ന അൽ ഒയൂൻ സ്ട്രീറ്റ് ഗതാഗതത്തിനായി തുറന്നുകൊടുത്തതായി പൊതുമരാമത്ത് വകുപ്പായ അഷ്‌ഗാൽ അറിയിച്ചു. ട്രാഫിക്ക് വിഭാഗവുമായി സഹകരിച്ചാണ് റോഡ് തയ്യാറാക്കിയത്. 1.3 കിലോമീറ്റർ നീളമുള്ള രണ്ടുവരി പാതയാണ് തുറന്നുകൊടുത്തത്. മണിക്കൂറിൽ ശരാശരി 4388 വാഹനങ്ങൾക്ക് ഈ റോഡിലൂടെ കടന്നുപോകാൻ കഴിയും.
ഇതോടെ അൽ ഗറാഫയിലേക്ക് പുതിയ വഴിയിലൂടെ പ്രവേശിക്കാനാവും. സൂക്ക് അൽ ഗറാഫ അടക്കമുള്ള വ്യാപാരസ്ഥാപനങ്ങളിലേക്ക് എളുപ്പമെത്താനും, അൽ ശമാൽ റോഡിലെ ഗതാഗതക്കുരുക്ക് കുറയ്ക്കാനും പുതിയ റോഡിലെ ഗതാഗതം ആരംഭിക്കുന്നതോടെ കഴിയുമെന്ന് അഷ്‌ഗാൽ വ്യക്തമാക്കി. അൽ ശമാൽ റോഡിലായി പുതിയ സിഗ്നൽ ജംക്ഷനും അഷ്‌ഗാൽ സജ്ജമാക്കിയിട്ടുണ്ട്.
