November 07, 2021
November 07, 2021
അബുദാബി : ട്വന്റി ട്വന്റി ക്രിക്കറ്റ് ലോകകപ്പിന്റെ വേദികളിൽ ഒന്നായ അബുദാബി ക്രിക്കറ്റ് സ്റ്റേഡിയത്തിന്റെ ക്യൂറേറ്റർ മോഹൻ സിംഗിനെ മരിച്ച നിലയിൽ കണ്ടെത്തി. ന്യൂസിലന്റും അഫ്ഗാനിസ്ഥാനും തമ്മിലുള്ള നിർണ്ണായക മത്സരം അബുദാബിയിൽ അരങ്ങേറുന്നതിന് തൊട്ടുമുൻപാണ് മോഹൻ സിംഗിനെ സ്വന്തം മുറിയിൽ മരിച്ച നിലയിൽ കണ്ടെത്തിയത്.
മരണകാരണം എന്തെന്നത് അധികൃതർ പുറത്തുവിട്ടിട്ടില്ലെങ്കിലും മോഹൻ സിംഗ് ആത്മഹത്യ ചെയ്തതാണെന്നാണ് പ്രാഥമികവിവരം. പഞ്ചാബ് ക്രിക്കറ്റ് സ്റ്റേഡിയത്തിൽ പരിശീലനം പൂർത്തിയാക്കിയ ശേഷം, 2004 ലാണ് മോഹൻ സിംഗ് അബുദാബിയിൽ പിച്ചൊരുക്കാനെത്തിയത്. ന്യൂസിലാന്റ് അഫ്ഗാനിസ്ഥാൻ മത്സരത്തിലെ പിച്ച് തങ്ങൾ പറയുന്ന രീതിയിൽ ഒരുക്കാൻ വാതുവെപ്പുകാർ മോഹനെ ഭീഷണിപ്പെടുത്തിയതായി സ്ഥിരീകരിക്കാത്ത റിപ്പോർട്ടുകളുണ്ട്. സംഭവത്തിൽ സമഗ്രമായ അന്വേഷണം നടത്തുമെന്ന് അബുദാബി പോലീസ് അറിയിച്ചു.
