November 21, 2021
November 21, 2021
അബുദാബി : പരമ്പരാഗത മത്സ്യബന്ധനത്തെ പ്രോത്സാഹിപ്പിക്കുന്നതിന്റെ ഭാഗമായി നടത്തുന്ന കിങ് ഫിഷ് ചാമ്പ്യൻഷിപ്പ് ഡിസംബർ 2 ന് ആരംഭിക്കും. 2022 ഏപ്രിൽ 22 വരെ നീണ്ടുനിൽക്കുന്ന ചാമ്പ്യൻഷിപ്പിൽ ദൽമ, അൽമുഗീറ, അൽദഫ്റ എന്നീ ചാമ്പ്യൻഷിപ്പുകളും ഉൾപെടും. വിവിധ വിഭാഗങ്ങളിലായി 20 ലക്ഷം ദിർഹമാണ് ( 4 കോടിയിലേറെ രൂപ) വിജയികളെ കാത്തിരിക്കുന്നത്.
യുഎഇ പൗരന്മാർക്കും, പ്രവാസികൾക്കും ഈ മത്സരത്തിൽ പങ്കെടുക്കാം. വല, തോക്ക്, കുന്തം മുതലായ വസ്തുക്കൾ ഉപയോഗിച്ച് മീൻ പിടിക്കാൻ ശ്രമിക്കരുതെന്നും, പരമ്പരാഗത ചൂണ്ടയിടലിലൂടെ പിടിക്കുന്ന മത്സ്യങ്ങളെ മാത്രമേ മത്സരത്തിന് പരിഗണിക്കൂ എന്നും സംഘാടകർ വ്യക്തമാക്കി. പുരുഷന്മാർക്കും സ്ത്രീകൾക്കും മത്സരത്തിന്റെ ഭാഗമാവാൻ അവസരമുണ്ട്. പങ്കെടുക്കാൻ ആഗ്രഹിക്കുന്നവർ http://kingfish.aldhafraftseival.com എന്ന വെബ്സൈറ്റിൽ രജിസ്റ്റർ ചെയ്യണം.