October 24, 2021
October 24, 2021
അബുദാബി : ലോകത്തിന്റെ ഏതു ഭാഗത്ത് നിന്നും യുഎഇയുടെ തലസ്ഥാനമായ അബുദാബിയില് ബിസിനസ് ചെയ്യാവുന്ന 'വെര്ച്വല് ലൈസന്സ്' പദ്ധതിക്ക് തുടക്കം.ആരോഗ്യം, വിനോദം, ഇവന്റ് ഓര്ഗനൈസേഷന്, കാര്ഷികം, നിര്മാണം, അറ്റകുറ്റപ്പണി, കരാര്, പരിപാലനം, സ്ഥാപനങ്ങള്, ചില്ലറ വ്യാപാരം, ഗതാഗതം, സേവനം, ലീസിങ് സര്വീസ്, മാനേജ്മെന്റ് തുടങ്ങി 13 മേഖലകളിലും മൊത്തവ്യാപാരം, ഇറക്കുമതി, കയറ്റുമതി എന്നിവയുടെ സേവന മേഖലയിലും വെര്ച്വല് ലൈസന്സ് ലഭിക്കും.
ഫീസ് 1,000 ദിര്ഹം (ഏകദേശം 20,000 രൂപ). അതെ സമയം ബിസിനസ് ചെയ്യുന്നയാള് യുഎഇയില് താമസിക്കണമെന്നില്ല. ലിമിറ്റഡ് ലയബിലിറ്റി കമ്ബനി, സോള് പ്രൊപ്രൈറ്റര്ഷിപ് എല്എല്സി എന്നിങ്ങനെ 2 രീതിയില് 100% ഉടമസ്ഥാവകാശത്തോടെ വ്യവസായം ആരംഭിക്കാം . www.adbc.gov.ae വെബ്സൈറ്റില് പ്രവേശിച്ച് വെര്ച്വല് ലൈസന്സ് തിരഞ്ഞെടുക്കുകയാണ് ആദ്യം ചെയ്യേണ്ടത്.
അക്കൗണ്ട് ഉണ്ടാക്കിയശേഷം യുഎഇ പാസ്, എസ്ഒപി1 ഓപ്ഷന് സെലക്ട് ചെയ്യുക. ചെയ്യാനുദ്ദേശിക്കുന്ന ബിസിനസിന് പേര് (ഇംഗ്ലിഷില്) നല്കുക. തുടര്ന്ന് വ്യക്തിഗത വിവരങ്ങള് നല്കി പാസ്പോര്ട്ട് പകര്പ്പ് അപ്ലോഡ് ചെയ്ത ശേഷം ക്രെഡിറ്റ് കാര്ഡ് വഴി ഫീസ് അടച്ചാല് ലൈസന്സ് ലഭിക്കും.
ഒരു ഖത്തർ റിയാലിന്റെ ഇന്നത്തെ വിനിമയ നിരക്ക് സിറ്റി എക്സ്ചേഞ്ചിൽ 20.40 മൊബൈൽ ആപ് 20.44