March 08, 2021
March 08, 2021
അബുദാബി: കൊവിഡ്-19 ഗ്രീന്‍ ലിസ്റ്റ് അബുദാബി പുതുക്കി. പുതുക്കിയ ലിസ്റ്റില്‍ 13 രാജ്യങ്ങളാണ് ഉള്‍പ്പെട്ടിട്ടുള്ളത്. ഈ രാജ്യങ്ങളില്‍ നിന്ന് എമിറേറ്റിലേക്ക് എത്തുന്നവര്‍ക്ക് ഇനി ക്വാറന്റൈന്‍ ആവശ്യമില്ല. എന്നാല്‍ യാത്രക്കാര്‍ അബുദാബിയിലെ വിമാനത്താവളത്തിലെത്തുമ്പോള്‍ പി.സി.ആര്‍ പരിശോധനയ്ക്ക് വിധേയരാവണം.
അബുദാബി സാംസ്‌കാരിക, ടൂറിസം വകുപ്പാണ് പുതുക്കിയ ഗ്രീന്‍ ലിസ്റ്റ് പുറത്തിറക്കിയത്. മൂന്ന് രാജ്യങ്ങളെ ഗ്രീന്‍ ലിസ്റ്റിലേക്ക് പുതുതായി കൂട്ടിച്ചേര്‍ത്തിട്ടുണ്ട്. സൗദി അറേബ്യ, കസാക്കിസ്ഥാന്‍, മൊറോക്കോ എന്നിവയാണ് പുതുതായി ഗ്രീന്‍ ലിസ്റ്റില്‍ ഉള്‍പ്പെട്ട രാജ്യങ്ങള്‍.
ഓസ്‌ട്രേലിയ, ഭൂട്ടാന്‍, ബ്രൂണൈ, ചൈന, ഗ്രീന്‍ലാന്റ്, ഹോങ്കോംഗ്, ഐലന്റ്, കസാക്കിസ്ഥാന്‍, മൗറീഷ്യസ്, മൊറോക്കോ, ന്യൂസിലാന്റ്, സൗദി അറേബ്യ, സിംഗപ്പൂര്‍ എന്നീ രാജ്യങ്ങളാണ് പുതുക്കിയ ഗ്രീന്‍ ലിസ്റ്റില്‍ ഉള്ള 13 രാജ്യങ്ങള്‍. ഗ്രീന്‍ ലിസ്റ്റ് ഇന്ന് മുതല്‍ പ്രാബല്യത്തില്‍ വരും.
അബുദാബിയില്‍ എത്തുന്ന യാത്രക്കാര്‍ 96 മണിക്കൂര്‍ മുമ്പെങ്കിലും നടത്തിയ പി.സി.ആര്‍ പരിശോധനയുടെ നെഗറ്റീവ് ഫലം ഹാജരാക്കേണ്ടതാണ്. കൂടാതെ അബുദാബിയിലെ വിമാനത്താവളത്തില്‍ വച്ച് പി.സി.ആര്‍ പരിശോധന നടത്തുകയും വേണം. ഇതിന്റെ ഫലം വരുന്നത് വരെ സ്വയം നിരീക്ഷണത്തില്‍ കഴിയണമെന്നും നിര്‍ദ്ദേശമുണ്ട്. 2020 ഡിസംബര്‍ 24 മുതലാണ് അബുദാബി രാജ്യാന്തര വിനോദസഞ്ചാരികളെ സ്വീകരിച്ച് തുടങ്ങിയത്.
ന്യൂസ് റൂം വാര്‍ത്തകള്‍ വാട്ട്‌സ്ആപ്പില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.
ന്യൂസ് റൂം വാര്‍ത്തകള്‍ ടെലിഗ്രാമില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.
