November 07, 2021
November 07, 2021
അബുദാബി : രാജ്യത്ത് തിരിച്ചെത്തിയാൽ കൊറന്റൈൻ ആവശ്യമില്ലാത്ത ഗ്രീന്‍ ലിസ്റ്റ് രാജ്യങ്ങളുടെ പട്ടിക അബുദാബി വീണ്ടും പുതുക്കി. പട്ടികയിൽ 95 രാജ്യങ്ങളാണുള്ളത്. പുതുതായി 13 രാജ്യങ്ങളെയാണ് ഇതിൽ ഉൾപ്പെടുത്തിയിരിക്കുന്നത്. ഈ രാജ്യങ്ങളിൽ നിന്നുള്ളവർക്ക് ക്വാറന്റൈൻ ഇല്ലാതെതന്നെ നേരിട്ട് പ്രവേശിക്കാം. ഇന്ന് മുതല്‍ പുതിയ പട്ടിക പ്രാബല്യത്തില്‍ വരും.
അതേസമയം, എല്ലാ ഗള്‍ഫ് രാജ്യങ്ങളും ഇടംപിടിച്ച പട്ടികയില്‍ ഇത്തവണയും ഇന്ത്യയില്ല. അബുദാബി മീഡിയ ഓഫീസ് ട്വിറ്ററിലൂടെ ഇന്നലെയാണ് പുതിയ ഗ്രീന്‍ ലിസ്റ്റ് രാജ്യങ്ങളുടെ പട്ടിക പുറത്തു വിട്ടത്.
ന്യൂസ്‌റൂം വാർത്തകൾ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക
