March 15, 2023
March 15, 2023
ന്യൂസ്റൂം ബ്യൂറോ
അബുദാബി: കോഴിക്കോട് സ്വദേശിയെ ദുബായില് മരിച്ച നിലയില് കണ്ടെത്തി. കോഴിക്കോട് കോടഞ്ചേരി ചെമ്പുകടവ് പന്നിവെട്ടുംചാലില് അബ്ദുല് സലീമിന്റെയും സുഹറയുടെയും മകന് ഫവാസാണ്(23) മരിച്ചത്.
രാത്രി വൈകിയും താമസ സ്ഥലത്ത് തിരിച്ചെത്താത്തതിനെ തുടര്ന്ന് സുഹൃത്തുക്കള് പൊലീസില് പരാതി നല്കിയിരുന്നു. തുടര്ന്ന് നടത്തിയ അന്വേഷണത്തിലാണ് ദുബായ് ഇന്വെസ്റ്റ്മെന്റ് പാര്ക്കിനു സമീപത്തെ റോഡരികില് വാഹനത്തിനു പുറത്തു മരിച്ച നിലയില് കണ്ടെത്തിയത്. മൃതദേഹം ദുബായ് പൊലീസ് മോര്ച്ചറിയില് സൂക്ഷിച്ചിരിക്കുകയാണ്. സംഭവത്തെക്കുറിച്ച് പോലീസ് വിശദമായ അന്വേഷണം തുടങ്ങി.