February 17, 2023
February 17, 2023
അൻവർ പാലേരി
ദോഹ : ഖത്തറിലെ തലശേരി സ്വദേശി ശകീർ ചീരായിയുടെ 200 കിലോമീറ്റർ സോളോ മാരത്തോണിന് തുടക്കമായി.വെൽനസ് ചലഞ്ചേഴ്സിന്റെ ആഭിമുഖ്യത്തിൽ ഇന്ന് പുലർച്ചെ ബു സമ്രയിലാണ് ഗിന്നസ് റെക്കോർഡ് ലക്ഷ്യമാക്കിയുള്ള മാരത്തണിന് തുടക്കം കുറിച്ചത്.വെൽനസ് ചലഞ്ചേസ് സ്ഥാപകൻ എബി ജോർജ് ഫ്ളാഗ് ഓഫ് ചെയ്തു.പ്രതികൂല കാലാവസ്ഥയിലും തികഞ്ഞ ആത്മവിശ്വാസത്തോടെയാണ് നിലവിലെ പുരുഷന്മാരുടെ ഗിന്നസ് റെക്കോർഡ് ഭേദിക്കാനുള്ള ദൗത്യം ആരംഭിക്കുന്നതെന്ന് ശകീർ ചീരായി പ്രതികരിച്ചു.
നൗഫൽ സിസി, സബീർ പി, ഫൈസൽ പി, ആദിൽ അബ്ദുൾഖാദർ, നൗഫൽ അയിനിക്കൽ,ജോബി ജോർജ്, സമീർ വക്കൻ എന്നിവരും ഫ്ളാഗ് ഓഫ് ചടങ്ങിൽ പങ്കെടുത്തു.
കഴിഞ്ഞ വർഷം ഫെബ്രുവരി നാലിന് ടുണീഷ്യൻ അത്ലറ്റ് സഡോക് കൊച്ച്ബാറ്റി സ്ഥാപിച്ച 34 മണിക്കൂർ 19 മിനുട്ട് എന്ന 200 കിലോമീറ്റർ ലോക റെക്കോർഡ് മറികടക്കാനാണ് ശകീർ ലക്ഷ്യമാക്കുന്നത്.ഇന്ന് പുലർച്ചെ ആരംഭിച്ച മാരത്തൺ 18ന് വൈകുന്നേരം അൽ റുവൈസ് പോർട്ടിൽ സമാപിക്കും.രാത്രിയും പകലും നിർത്താതെയുള്ള ഓട്ടത്തിന് ആവശ്യമായ പിന്തുണ നൽകാൻ സപ്പോർട്ടിങ് വാഹനങ്ങൾ ഉൾപെടെ എല്ലാ സജ്ജീകരണങ്ങളും ഒരുക്കിയിട്ടുണ്ട്.ആരോഗ്യകരമായ ജീവിത ശൈലിയെ കുറിച്ച് ഖത്തറിലെ താമസക്കാരെ ബോധവൽക്കരിക്കുകയെന്ന ലക്ഷ്യത്തോടെയാണ് പരിപാടി സംഘടിപ്പിക്കുന്നത്.സിറ്റി എക്സ്ചേഞ്ചാണ് പരിപാടി സ്പോൺസർ ചെയ്യുന്നത്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/CZ8evyItpDFGmuyTIzjnaL എന്ന ലിങ്കിൽ ജോയിൻ ചെയ്യുക