June 04, 2023
June 04, 2023
ന്യൂസ്‌റൂം ബ്യുറോ
അജ്മാൻ: അജ്മാനില്‍ എണ്ണ ടാങ്ക് പൊട്ടിത്തെറിച്ച് രണ്ടുപേര്‍ മരിച്ചു. മൂന്നു പേര്‍ക്ക് പരിക്കേറ്റു. മരിച്ചവരും പരിക്കേറ്റവരും ഏഷ്യക്കാരാണെന്ന് പൊലീസ് അറിയിച്ചു.ഇവരിൽ മലയാളികൾ ഉൾപെട്ടിട്ടുണ്ടോ എന്ന് വ്യക്തമല്ല.
എന്നാല്‍, ഏത് രാജ്യക്കാരാണെന്ന വിവരം പുറത്തുവിട്ടിട്ടില്ല. ഞായറാഴ്ച രാവിലെ 11നാണ് അപകടമുണ്ടായത്.
അജ്മാൻ ജര്‍ഫിലെ ഫാക്ടറിയില്‍ വെല്‍ഡിങ് ജോലിക്കിടെയായിരുന്നു സ്ഫോടനം. ജീവനക്കാര്‍ ജോലി ചെയ്യുന്നതിനിടെ ഒരു ടാങ്കില്‍ തീപിടിക്കുകയും ഇത് പൊട്ടിത്തെറിയില്‍ കലാശിക്കുകയുമായിരുന്നു. സുരക്ഷ മാനദണ്ഡങ്ങള്‍ പാലിക്കാത്തതാണ് അപകട കാരണമെന്ന് അജ്മാൻ പൊലീസ് മേധാവി മേജര്‍ ജനറല്‍ ശൈഖ് സുല്‍ത്താൻ ബിൻ അബ്ദുല്ല അല്‍ നുഐമി പറഞ്ഞു.
ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/EbsrZk47eaBENKOhwtWeGf
