October 22, 2022
October 22, 2022
ന്യൂസ്‌റൂം ബ്യുറോ
ദോഹ :ഖത്തർ ലോകകപ്പ് മത്സരങ്ങൾ റിപ്പോർട്ട് ചെയ്യുന്നതിന് ലോകത്തിന്റെ വിവിധ ഭാഗങ്ങളിൽ നിന്നുള്ള 12,300 മാധ്യമപ്രതിനിധികൾക്ക് ഇതുവരെ അക്രഡിറ്റേഷൻ നൽകിയതായി ലോകകപ്പ് സി.ഇ.ഒ നാസർ അൽ ഖാതിർ അറിയിച്ചു.ഖത്തറിൽ എത്തുന്ന മാധ്യമപ്രതിനിധികൾക്ക് ഇതിനാവശ്യമായ എല്ലാ ആധുനിക സൗകര്യങ്ങൾ ഒരുക്കിയതായും അദ്ദേഹം പറഞ്ഞു.
ഫിഫ അംഗത്വമുള്ള എല്ലാ ഫുട്ബോൾ ഫെഡറേഷനുകൾക്കും ഒരു നിശ്ചിത ക്വാട്ട പ്രസ് കാർഡുകൾ അനുവദിച്ചിട്ടുണ്ട്.അതേസമയം,ഖത്തർ ലോകകപ്പ് മുഴുവനായും സംപ്രേക്ഷണം ചെയ്യാൻ അവകാശമില്ലാത്ത മാധ്യമസ്ഥാപനങ്ങൾക്ക് വളരെ പരിമിതമായ പെർമിറ്റുകൾ മാത്രമേ നൽകൂവെന്നും ഫിഫ വിശദീകരിച്ചു.
ഖത്തർ ലോകകപ്പ് റിപ്പോർട്ട് ചെയ്യുന്നതിന് മാധ്യമപ്രതിനിധികൾക്ക് കർശന വ്യവസ്ഥകൾ ഏർപെടുത്തിയതായി നേരത്തെ ചില അന്താരാഷ്ട്ര മാധ്യമങ്ങൾ റിപ്പോർട്ട് ചെയ്തിരുന്നു.എന്നാൽ മാധ്യമപ്രതിനിധികൾക്കുള്ള അനുമതി ലഭ്യമാക്കുന്നതിനായി വളരെ നേരത്തെ തന്നെ ഓൺലൈൻ സംവിധാനം ഒരുക്കിയിരുന്നതായും അന്താരാഷ്ട്ര മത്സരങ്ങൾക്കുള്ള സാധാരണ നിബന്ധനകൾ മാത്രമാണ് ഉള്ളതെന്നും നാസർ അൽ ഖാതിർ ഇതിന് വിശദീകരണം നൽകിയിരുന്നു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/KYKm2u8nQZBBNg2J0Y6mez എന്ന ലിങ്കിൽ ജോയിൻ ചെയ്യുക.വീഡിയോകൾ കാണാൻ https://www.youtube.com/c/NewsRoomme സബ്സ്ക്രൈബ് ചെയ്യുക
