August 26, 2021
August 26, 2021
അൻവർ പാലേരി,ന്യൂസ്റൂം ഡെസ്ക്
ചെങ്ങമനാട്: ഭാര്യയും കുഞ്ഞും കോവിഡ് ബാധിച്ച് മരിച്ചതിനു പിന്നാലെ സൗദിയിൽ നിന്നും നാട്ടിലെത്തിയ യുവാവ് ജീവനൊടുക്കി. കോവിഡ് ബാധിച്ച് ആദ്യം ഭാര്യയും രണ്ടു ദിവസത്തിന് ശേഷം കുഞ്ഞും മരിച്ചിരുന്നു.പിന്നാലെ നാട്ടിലെത്തിയ എറണാകുളം ചെങ്ങമനാട് കപ്രശ്ശേരി പൊട്ടയില് കുഞ്ഞുമോന്റെയും ഉഷയുടെയും മകന് വിഷ്ണുവിനെയാണ് (32) ഇന്ന് രാവിലെ വീടിനുള്ളില് തൂങ്ങി മരിച്ച നിലയില് കണ്ടെത്തിയത്.
വിഷ്ണുവിന്റെ ഭാര്യയും കുഞ്ഞും സൗദിയിൽ വെച്ചാണ് കോവിഡ് ബാധിച്ചു മരിച്ചത്. സൗദിയില് അക്കൗണ്ടന്റായിരുന്ന വിഷ്ണുവിനൊപ്പമായിരുന്നു ഭാര്യ ഗാഥയും. ആറുമാസം ഗര്ഭിണിയായിരുന്ന ഗാഥയെ പ്രസവത്തിന് നാട്ടിലേക്ക് കൊണ്ടുവരാനുള്ള ഒരുക്കങ്ങള് നടത്തിയപ്പോഴാണ് കോവിഡ് ബാധിച്ചതായി കണ്ടെത്തിയത്. നില വഷളായതിനെ തുടർന്ന് കുഞ്ഞിനെ ശസ്ത്രക്രിയയിലൂടെ പുറത്തെടുത്തു. മണിക്കൂറുകള്ക്കകം ഗാഥ മരിച്ചു. രണ്ട് ദിവസത്തിന് ശേഷം കുഞ്ഞും മരിക്കുകയായിരുന്നു. ഇതുമൂലമുണ്ടായ മനോവിഷമമാണ് ആത്മഹത്യയിലേക്ക് നയിച്ചത് എന്നാണു നിഗമനം.രണ്ടാഴ്ച മുമ്പാണ് വിഷ്ണു നാട്ടിലെത്തിയത്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ 0097466200167 എന്ന വാട്സ്ആപ് നമ്പറിലേക്ക് സന്ദേശമയക്കുക