March 05, 2021
March 05, 2021
ദോഹ : ഖത്തറിലെ പ്രമുഖ പൊതുപ്രവർത്തകനും എം.എസ്.എഫ് മുൻ സംസ്ഥാന പ്രസിഡന്റുമായിരുന്ന വണ്ടൂർ പി അബൂബക്കർ(69) നാട്ടിൽ നിര്യാതനായി.പ്രവാസ ജീവിതം മതിയാക്കി നാട്ടിലേക്ക് മടങ്ങിയ അദ്ദേഹം ബംഗളൂരുവിലാണ് താമസിച്ചിരുന്നത്.സൗദി അറേബ്യയിലും ഖത്തറിലുമായി ഏറെക്കാലം മുസ്‌ലിം ലീഗ് പോഷക സംഘടനയായ കെ.എം.സി.സിക്ക് നേതൃത്വം വഹിച്ചിരുന്നു.മലപ്പുറം വണ്ടൂർ സ്വദേശിയാണ്.
ഖത്തറിലെ സ്കോളേഴ്സ് ഇന്റർനാഷണൽ സ്‌കൂൾ ചെയർമാൻ,ദോഹ ബാങ്ക് ലീഗൽ റിസ്ക് മാനേജർ,ഖത്തർ ഫൗണ്ടേഷൻ സീനിയർ അറ്റോർണി,ബറുവ ബാങ്ക് ചീഫ് കംപ്ലയിന്റ് ഓഫീസർ എന്നീ പദവികൾ വഹിച്ചിട്ടുണ്ട്.
മലപ്പുറം നഗരസഭയുടെ പ്രഥമ ചെയർമാനും മുസ്‌ലിം ലീഗ് നേതാവുമായിരുന്ന ഡോ.എം.അബൂബക്കറിന്റെ മകൾ ഡോ.എം.ആയിഷയാണ് ഭാര്യ,
മക്കൾ : മെഹറിൽ സലിൽ,ഷെറിൻ ഷെഫിൻ,ജൗഹർ അബുബക്കർ.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ ആൻഡ്രോയിഡ് ഫോൺ ഉപയോഗിക്കുന്നവർ പ്ളേസ്റ്റോറിൽ നിന്നും newsroom connect ആപ് ഡൗൺ ലോഡ് ചെയ്യുക
