July 22, 2023
July 22, 2023
ന്യൂസ്റൂം ബ്യുറോ
അൽ ഹസ :സൗദിയിലെ അല്ഹസയില് റെസ്റ്റോറന്റിലുണ്ടായ സ്ഫോടനത്തിലും അഗ്നിബാധയിലും രണ്ടു പേര്ക്ക് പരിക്കേറ്റു. സ്ഥാപനത്തിനു മുന്നില് നിര്ത്തിയിട്ടിരുന്ന വാഹനത്തിനും കേടുപാടുകള് സംഭവിച്ചു. റെസിഡന്ഷ്യല് കെട്ടിടത്തിന്റെ അടിയിലെ നിലയില് പ്രവര്ത്തിക്കുന്ന റെസ്റ്റോറന്റിലെ ഗ്യാസ് ടാങ്ക് ആണ് പൊട്ടിത്തെറിച്ചത്.
ഉഗ്രസ്ഫോടനത്തെത്തുടർന്ന് കെട്ടിടത്തിൽ താമസിക്കുന്നവരും പരിസരവാസികളും പരിഭ്രാന്തരായി. സിവില് ഡിഫന്സ് അധികൃതര് തീയണച്ച് രക്ഷാപ്രവര്ത്തനം നടത്തി. പരിക്കേറ്റവരെ റെഡ് ക്രസന്റ് ആംബുലന്സുകളില് ആശുപത്രിയിലേക്ക് നീക്കി. സ്ഫോടനത്തിലും അഗ്നിബാധയിലും റെസ്റ്റോറന്റ് ഏറെക്കുറെ പൂര്ണമായും തകര്ന്നു.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/FZrPbBIed7U4lm5VsQzYgH