March 18, 2023
March 18, 2023
ന്യൂസ്റൂം ബ്യൂറോ
റിയാദ്: ടൂറിസ്റ്റ് വിസകളില്‍ വരുന്നവര്‍ക്ക് 90 ദിവസത്തില്‍ കൂടുതല്‍ തങ്ങാന്‍ അനുവാദമില്ലെന്ന് സൗദി ടൂറിസ്റ്റ് മന്ത്രാലയം അറിയിച്ചു. കാലാവധിക്ക് ശേഷം സൗദിയില്‍ തങ്ങിയാല്‍ ഓരോ ദിവസവും നൂറ് റിയാല്‍ പിഴയടക്കേണ്ടി വരും. തിരിച്ച് പോകുന്ന അവസരത്തില്‍ വിമാനത്താവളത്തില്‍ വെച്ചാണ് പിഴയടക്കേണ്ടത്.
2019 അവസാനം മുതലാണ് സൗദി, ടൂറിസ്റ്റ് വിസ അനുവദിക്കാന്‍ തുടങ്ങിയത്. ഒരു വര്‍ഷം കാലാവധിയുള്ള മള്‍ട്ടി എന്‍ട്രി ടൂറിസ്റ്റ് വിസയിലെത്തുന്നവര്‍ക്ക് പരമാവധി 90 ദിവസം മാത്രമേ രാജ്യത്ത് തങ്ങാന്‍ അനുവാദമുള്ളൂ. ഒറ്റ തവണയോ, വര്‍ഷത്തില്‍ പല തവണയോ ആയി 90 ദിവസം രാജ്യത്ത് തങ്ങാന്‍ സാധിക്കും.
ഫാമിലി, ബിസിനസ്സ് വിസിറ്റ് വിസകളില്‍ കഴിയുന്നവര്‍ക്ക് 90 ദിവസത്തിനുശേഷം സൗദിക്ക് പുറത്തുപോയി വിസ കാലാവധി പുതുക്കി തിരിച്ച് വരാവുന്നതാണ്. എന്നാല്‍ ടൂറിസ്റ്റ് വിസകള്‍ക്ക് ലഭിക്കുന്ന കാലാവധി ദീര്‍ഘിപ്പിക്കാനാവില്ല. ഏതുതരം വിസയില്‍ എത്തുന്നവര്‍ക്കും സൗദിയിലെവിടെയും സഞ്ചരിക്കാനും ഹജ്ജ് കാലത്തൊഴികെ ഉംറ ചെയ്യുവാനും മദീന സന്ദര്‍ശിക്കാനും അനുവാദമുണ്ടായിരിക്കും.
ന്യൂസ്റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക https://chat.whatsapp.com/BA70KEJMeBmGW92ahNcBva
