May 29, 2022
May 29, 2022
ദമ്മാം: സൗദിയിലുണ്ടായ വാഹനാപകടത്തില് മലയാളി ഉള്പ്പെടെ രണ്ട് ഇന്ത്യക്കാരും ഒരു ബംഗ്ലാദേശ് സ്വദേശിയും മരിച്ചു.
അല് ഹസയില് നിന്ന് 300 കിലോമീറ്റര് അകലെ ഹര്ദില് കഴിഞ്ഞ ദിവസമായിരുന്നു അപകടം. കൊല്ലം കരുനാഗപ്പള്ളി സ്വദേശി പുത്തന്വീട്ടില് പടിറ്റതില് ഇസ്മായില് കുഞ്ഞിന്റെ മകന് മുഹമ്മദ് റാഷിദ് (32), ഒരു തമിഴ്നാട് സ്വദേശി, ഒരു ബംഗ്ലാദേശി പൗരന് എന്നിവരാണ് അപകടത്തില് മരിച്ചത്.
ഇവര് സഞ്ചരിച്ചിരുന്ന പിക്കപ്പ് വാന് മണല് കൂനയില് കയറി മറിയുകയായിരുന്നു. തലകീഴായി മറിഞ്ഞ വാഹനത്തിന്റെ അടിയില് പെട്ടാണ് മൂന്നു പേരും മരിച്ചത്. സുരക്ഷാ സേനയെത്തി വാഹനമുയര്ത്തി ഇവരെ പുറത്തെടുക്കുമ്ബോഴേക്കും മരണം സംഭവിച്ചിരുന്നു.
റിയാദില് നിന്ന് എത്തിയവരാണെന്നാണ് പ്രാഥമിക വിവരം.അപകടം നടന്ന ഉടനെ അതുവഴി എത്തിയ സ്വദേശി പൗരന് ട്വിറ്റില് നല്കിയ വീഡിയോയിലുടെയാണ് അപകട വിവരം പുറംലോകം അറിഞ്ഞത്. അപകടത്തില് തകര്ന്ന വാഹനത്തിന്റെ ദൃശ്യങ്ങള് സാമൂഹിക മാധ്യമങ്ങളില് പ്രചരിക്കുകയാണ്.
മരിച്ച മുഹമ്മദ് റാഷിദിന്റെ മയ്യിത്ത് സൗദിയില് ഖബറടക്കുമെന്ന് ബന്ധപ്പെട്ടവര് അറിയിച്ചു.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക