July 19, 2020
July 19, 2020
ദോഹ : ഖത്തറിൽ കോവിഡ് ബാധിച്ച് ചികിത്സയിലായിരുന്ന മൂന്നു പേർ കൂടി കഴിഞ്ഞ 24 മണിക്കൂറിനിടെ മരണപ്പെട്ടതോടെ മരണ സംഖ്യ 157 ആയി. അതേസമയം 340 പേർക്കാണ് പുതുതായി രോഗം സ്ഥിരീകരിച്ചത്. 354 പേർക്ക് രോഗം ഭേദമായിട്ടുണ്ട്.ഇതുവരെ രോഗമുക്തി നേടിയവരുടെ എണ്ണം 103,377 ആയി ഉയർന്നു.ഇനി 3114 പേരാണ് രാജ്യത്ത് കോവിഡ് പോസറ്റിവ് ആയി തുടരുന്നത്.
എട്ടുപേരെയാണ് പുതുതായി തീവ്രപരിചരണ വിഭാഗത്തിൽ പ്രവേശിപ്പിച്ചത്.രോഗലക്ഷണങ്ങൾ പ്രകടിപ്പിച്ച 42 പേരെ കൂടി ആശുപത്രിയിൽ പ്രവേശിപ്പിച്ചതോടെ ചികിത്സയിൽ തുടരുന്ന കോവിഡ് രോഗികളുടെ എണ്ണം 526 ആയി. ഇവരിൽ 128 പേർ ഗുരുതരാവസ്ഥയിലാണ്.
2710 പേരിൽ നടത്തിയ കോവിഡ് പരിശോധനയിലാണ് പുതുതായി 340 പേർക്ക് രോഗം സ്ഥിരീകരിച്ചത്.441700 പേരിലാണ് ഇതുവരെ കോവിഡ് പരിശോധന നടത്തിയത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
