July 04, 2020
July 04, 2020
ദോഹ : തിരൂരിലെ ഖത്തർ പ്രവാസികളുടെ കൂട്ടായ്മയായ ടീം തിരൂർ ഖത്തർ ഒരുക്കിയ ചാർട്ടേഡ് വിമാനം ഇന്നുച്ചയോടെ ദോഹയിൽ നിന്ന് നാട്ടിലേക്ക് തിരിച്ചു.180 യാത്രക്കാരാണ് ഈ വിമാനത്തിൽ നാട്ടിലേക്ക് മടങ്ങിയത്. അർഹരായ ഇരുപതോളം പേർക്ക് തികച്ചും സൗജന്യമായാണ് യാത്രാ സൗകര്യം ഒരുക്കിയതെന്ന് സംഘാടകർ അറിയിച്ചു.
ഖത്തറിലും നാട്ടിലും ജീവകാരുണ്യ-സേവന മേഖലകളിൽ സജീവമായി ഇടപെടുന്ന ടീം തിരൂർ കഴിഞ്ഞ രണ്ടു പ്രളയകാലത്തും കേരളത്തിൽ പ്രയാസം അനുഭവപ്പെടുന്ന നിരവധി പേർക്ക് സഹായം എത്തിച്ചിരുന്നു.തിരൂർ പൂങ്ങോട്ടുകുളത്ത് ഡ്രസ്സ് കളക്ഷൻ ബോക്സ് സ്ഥാപിച്ച അതിലൂടെ പാവപ്പെട്ട ജനങ്ങൾക്ക് വസ്ത്രം എത്തിച്ചു കൊടുക്കുന്ന പ്രത്യേക പദ്ധതിയും നടപ്പിലാക്കി വരുന്നുണ്ട്.അംഗങ്ങളിൽ സ്വന്തമായി കിടപ്പറ്റമുണ്ടാക്കാൻ വീടുണ്ടാക്കാൻ ബുദ്ധിമുട്ടുന്നവരെ കണ്ടെത്തി വീട് വച്ച് നൽകുന്നതാണ് മറ്റൊരു പദ്ധതി.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക