May 19, 2023
May 19, 2023
ന്യൂസ്റൂം ബ്യുറോ
ജിദ്ദ : സൗദി ജിദ്ദയിൽ നടക്കുന്ന അറബ് ഉച്ചകോടിയിൽ പങ്കെടുക്കാൻ സിറിയൻ പ്രസിഡൻറ് ബശാർ അൽ അസദ് സൗദിയിലെത്തി. 2010-നു ശേഷം ആദ്യമായാണ് സിറിയ അറബ് ഉച്ചകോടിയിൽ പങ്കെടുക്കുന്നത്. ജിദ്ദയിൽ അറബ് ഉച്ചകോടിയിൽ സിറിയൻ സംഘത്തെ ബാശാർ അൽ അസദ് നയിക്കും. 12 വർഷത്തെ ഇടവേളയ്ക്ക് ശേഷമാണ് അറബ് ഉച്ചകോടിയിൽ സംബന്ധിക്കാൻ സിറിയക്ക് ക്ഷണം ലഭിക്കുന്നത്.
അറബ് ലീഗ് ഉച്ചകോടിക്കായി രഷ്ട്രത്തലവന്മാർ ജിദ്ദയിലെത്തുന്നത് തുടരുകയാണ്. സിറിയൻ പ്രതിസന്ധിക്ക് പരിഹാരം കാണൽ, സുഡാൻ പ്രതിസന്ധി, ഇസ്രായേൽ-പലസ്തീൻ സംഘർഷം, യമൻ, ഇറാൻ വിഷയങ്ങൾ, അറബ് രാഷ്ട്രങ്ങളുടെ ക്ഷേമം എന്നിവ ഉച്ചകോടിയിൽ ചർച്ചയാകും.
2011 ൽ അറബ് ലീഗിലെ അംഗത്വം സസ്പെൻഡ് ചെയ്തതിന് ശേഷം സിറിയ ആദ്യമായി പങ്കെടുക്കുന്ന ഉച്ചകോടിയാണിത്. അറബ് ഐക്യം ഊഷ്മളമാക്കാനുളള തീരുമാനങ്ങളും ഉച്ചകോടിയിലുണ്ടാകും.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/CnQu0Sm89HsFGubs4fWsFe