October 31, 2022
October 31, 2022
ന്യൂസ്റൂം ബ്യുറോ
ജിദ്ദ : ഞായറാഴ്ച ജിദ്ദയിൽ നിന്നും കോഴിക്കോട്ടേക്ക് പോകേണ്ടിയിരുന്ന സ്പൈസ് ജെറ്റ് വിമാനം അനിശ്ചിതമായി വൈകുന്നതിനെ തുടർന്ന് യാത്രക്കാർ ദുരിതത്തിൽ.ഇന്നലെ രാത്രി 9.50ന് കോഴിക്കോട്ടേക്ക് പോകേണ്ടിയിരുന്ന വിമാനമാണ് ഇതുവരെ പുറപ്പെടാത്തത്.ഇന്നലെ രാത്രി ഷെഡ്യുൾ ചെയ്ത വിമാനം ഇന്ന് രാവിലെ 9 മണിക്ക് പുറപ്പെടുമെന്നായിരുന്നു യാത്രക്കാരെ അറിയിച്ചത്.ഇതനുസരിച്ച് ജിദ്ദ വിമാനത്താവളത്തിലെത്തിയ യാത്രക്കാരോട് വിമാനം എത്തിയിട്ടില്ല എന്ന മറുപടിയാണ് നൽകിയത്.
ഇന്നുച്ചയ്ക്ക് 2 മണിക്ക് കരിപ്പൂരിൽ നിന്ന് പുറപ്പെടുന്ന വിമാനം ജിദ്ദയിൽ എത്തിയ ശേഷം യാത്രക്കാരുമായി മടങ്ങുമെന്നാണ് അനൗദ്യോഗികമായി അറിയിച്ചതെങ്കിലും അല്പം മുമ്പ് വരെ വിമാനം കരിപ്പൂരിൽ നിന്ന് യാത്ര തിരിച്ചിട്ടില്ല.അതേസമയം,ആശുപത്രി ആവശ്യങ്ങൾക്ക് വരെ നാട്ടിൽ പോകുന്ന സ്ത്രീകളും കുട്ടികളും ഉൾപ്പെടെയുള്ള നിരവധി യാത്രക്കാർ ജിദ്ദ വിമാനത്താവളത്തിൽ കുടുങ്ങിക്കിടക്കുകയാണ്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക