March 20, 2023
March 20, 2023
ന്യൂസ്‌റൂം ബ്യൂറോ
ദോഹ :ദോഹയിൽ നടന്ന ലെജന്ഡ്സ് ലീഗ് ക്രിക്കറ്റ് മത്സരത്തിനിടെ ഇന്ത്യന്‍ ആരാധകന്റെ ആഗ്രഹം നിറവേറ്റിയിരിക്കുകയാണ് മുന്‍ പാകിസ്ഥാന്‍ ക്യാപ്റ്റന്‍ ഷാഹിദ് അഫ്രീദി. ഇന്ത്യന്‍ ദേശീയ പതാകയില്‍ ഓട്ടോഗ്രാഫ് ആവശ്യപ്പെട്ടുകൊണ്ടെത്തിയ ആരാധകന്റെ ആഗ്രഹമാണ് ഷാഹിദ് അഫ്രീദി നിറവേറ്റിയത്. ഇന്ത്യന്‍ പതാക ആദരവോടെ ഉയര്‍ത്തിപ്പിടിച്ച് ഓട്ടോഗ്രാഫ് നല്‍കുന്ന വീഡിയോ സമൂഹമാധ്യമങ്ങളില്‍ വലിയ തോതില്‍ പ്രചാരണം നേടിയിട്ടുണ്ട്.
Now this is what we call “GRACE” Shahid Afridi signing the Indian flag.
— Maham Gillani (@DheetAfridian) March 18, 2023
That is how we respect other nations. Little actions like these,bring the world closer and promote love and peace on the planet!Proud of you Lala❤️ #LLCT20 #ShahidAfridi #LegendsLeagueCricket @SAfridiOfficial pic.twitter.com/RVH7CIMxZD
''ഇത്തരത്തിലുള്ള ചെറിയ പ്രവര്‍ത്തികള്‍ സ്‌നേഹവും സമാധാനവും വളര്‍ത്തുന്നതിനും ലോകത്തെ കൂടുതലടുപ്പിക്കുന്നതിനും ഉപകരിക്കും. നിങ്ങളില്‍ അഭിമാനിക്കുന്നു ലാലാ'' എന്ന് ട്വിറ്ററില്‍ ഒരു ആരാധകന് കുറിച്ചു. ''ലാലാ മികച്ച കായിക താരവും, സ്‌നേഹത്തിന്റെ അംബാസിഡറുമാണ്'' എന്ന് മറ്റൊരു ആരാധകന് എഴുതി.
ശനിയാഴ്ച നടന്ന ലെജന്ഡ്സ് ലീഗ് ക്രിക്കറ്റ് മത്സരത്തിന്റെ എലിമിനേറ്റര്‍ റൗണ്ടില്‍ ഇന്ത്യ മഹാരാജാസിനെതിരെ ഏഷ്യ ലയണ്‍സിന് 85 റണ്‍സിന്റെ തകര്‍പ്പന്‍ ജയം നേടിയതിന് പിന്നാലെയാണ് അഫ്രീദി ആരാധകന്റെ ആഗ്രഹം നിറവേറ്റിയത്. ഷാഹിദ് അഫ്രീദിയാണ് ഏഷ്യന്‍ ലയണ്‍സ് ടീമിനെ നയിക്കുന്നത്.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/BA70KEJMeBmGW92ahNcBva
