August 07, 2022
August 07, 2022
ജിദ്ദ : ജിദ്ദയിൽ കടലിൽ കുളിക്കുന്നതിനിടെ തിരയിൽ പെട്ട രണ്ടു യുവതികളെ രക്ഷിക്കാൻ ശ്രമിക്കുന്നതിനിടെ ഡോക്ടറും സുഹൃത്തും മുങ്ങിമരിച്ചു.ജിദ്ദയിലെ പ്രമുഖ ഗൈനക്കോളജിസ്റ്റായ ഡോ.ലീനാ ത്വാഹായും സുഹൃത്ത് അഫാഫ് ഫലംബാനുമാണ് മരിച്ചത്.
ഇതിനിടെ,മഴയെ തുടര്ന്നുണ്ടായ വെള്ളക്കെട്ടില് മുങ്ങി മൂന്ന് സഹോദരങ്ങള് മരിച്ചതായി സൗദി സിവില് ഡിഫന്സ് ഡയറക്ട്രേറ്റ് അറിയിച്ചു.
ഖുന്ഫുദ മേഖലയിലെ വാദി അഹ്സബയിലാണ് സംഭവം. വിവരമറിഞ്ഞ ഉടനെ സിവില് ഡിഫന്സ് സംഘം സ്ഥലത്തെത്തി രക്ഷാപ്രവര്ത്തനത്തില് ഏര്പ്പെട്ടു. എന്നാല് രക്ഷപ്പെടുത്താനായില്ല.
മരിച്ച നിലയിലാണ് മൂന്ന് പേരെയും വെള്ളക്കെട്ടില് നിന്ന് പുറത്തെടുത്തതെന്നും സിവില് ഡിഫന്സ് ഡയക്ടറേറ്റ് പറഞ്ഞു. ഒഴുക്കുണ്ടാകുന്ന സമയത്ത് താഴ്വരകള് മുറിച്ചുകടക്കുന്നത് നിയമലംഘനമാണെന്നും ഇത്തരം പ്രവൃത്തിയില് ഏര്പ്പെടുന്നവര്ക്ക് 10,000 റിയാല് വരെ ചുമത്തുമെന്നും സിവല് ഡിഫന്സ് ട്വിറ്റര് അക്കൗണ്ടില് മുന്നറിയിപ്പ് നല്കി.
'താഴ്വരകളില് ഒഴുക്കുണ്ടാകുമ്ബോള് അടുത്ത ഇര നീ ആകരുത്' എന്ന് പ്രത്യേക മുന്നറിയിപ്പ് വാചകവും ട്വീറ്റില് കുറിച്ചു. രാജ്യത്ത് പല ഭാഗങ്ങളിലും മഴ തുടരുന്നതിനിടെ വിവിധ ഭാഗങ്ങളില് ഇത്തരത്തില് അപകട മരണങ്ങള് റിപ്പോര്ട്ട് ചെയ്യുന്നുണ്ട്.
ന്യൂസ്റൂം വാർത്തകൾ മുടങ്ങാതെ ലഭിക്കാനും പരസ്യങ്ങൾ നൽകാനും ബന്ധപ്പെടുക : +974 33450597