March 05, 2023
March 05, 2023
ന്യൂസ്‌റൂം ബ്യുറോ
റിയാദ് :സൗദി അറേബ്യ പുതിയ ദേശീയ വിമാനക്കമ്പനി പ്രഖ്യാപിച്ചു..പബ്ലിക് ഇൻവെസ്റ്റ്‌മെന്റ് ഫണ്ടിന്റെ (പിഐഎഫ്) പൂർണ്ണ ഉടമസ്ഥതയിലുള്ള റിയാദ് എയർ ആണ് സൗദിയുടെ ആകാശത്ത് അഭിമാനത്തിന്റെ ചിറക് വിരിക്കാൻ തയാറെടുക്കുന്നത്. പബ്ലിക് ഇന്‍വെസ്റ്റ്‌മെന്റ് ഫണ്ട് ചെയര്‍മാനും സൗദി കിരീടാവകാശിയുമായ മുഹമ്മദ് ബിന്‍ സല്‍മാന്‍ പുതിയ കമ്പനിയുടെ ഔദ്യോഗിക പ്രഖ്യാപനം നടത്തിയത്.
ഏഷ്യ, ആഫ്രിക്ക, യൂറോപ്പ് എന്നീ ഭൂഖണ്ഡങ്ങളെ ബന്ധിപ്പിക്കുന്ന ഈ എയര്‍ലൈന്‍ കമ്പനി റിയാദ് കേന്ദ്രമായാണ് പ്രവര്‍ത്തിക്കുക. ദേശീയ അന്തര്‍ദേശീയ രംഗത്തെ വിദഗ്ധരടങ്ങുന്ന സമിതിയാണ് കമ്പനിയുടെ മേല്‍നോട്ടം വഹിക്കുക. പബ്ലിക് ഇന്‍വെസ്റ്റ്‌മെന്റ് ഫണ്ട് ഗവര്‍ണര്‍ യാസര്‍ ബിന്‍ ഉസ്മാന്‍ അല്‍റുമയ്യാന്‍ ഡയറക്ടര്‍ബോര്‍ഡ് ചെയര്‍മാന്‍ ആയിരിക്കും. ലോജിസ്റ്റിക്, വ്യോമയാന മേഖലയില്‍ 40 വര്‍ഷത്തെ പരിചയ സമ്പത്തുള്ള ടോണി ഡോ ഗ്ലാസ് സിഇഒയും.
2030 ആകുമ്പോഴേക്ക് റിയാദില്‍ നിന്ന് 100 ലധികം സെക്ടറുകളിലേക്ക് റിയാദ് എയര്‍ലൈന്‍സ് സര്‍വീസ് നടത്തും.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/LiM4EdDAtkTAmYRCb0LMz9
