December 24, 2019
December 24, 2019
കൊച്ചി : പൗരത്വ നിയമത്തിനെതിരെ കഴിഞ്ഞ ദിവസം പ്രകടനം നടത്തിയവർക്കും പരസ്യ പ്രതികരണവുമായി രംഗത്തെത്തിയവർക്കും യുവമോർച്ചാ നേതാവിന്റെ ഭീഷണി. യുവമോർച്ചാ അധ്യക്ഷൻ സന്ദീപ് ജി വാര്യർ ഫെയ്സ്ബുക്കിലൂടെയാണ് സിനിമാക്കാർക്ക് നേരെ ഭീഷണി മുഴക്കിയത്. മുൻപിലുള്ള മൈക്കും ജനക്കൂട്ടവും കണ്ട് രാഷ്ട്രീയ പ്രസ്താവനകൾ നടത്തുന്ന സിനിമാക്കാർ, പ്രത്യേകിച്ച് നടിമാർ അച്ഛനോ സഹോദരനോ സെക്രട്ടറിയോ കൃത്യമായ ഇടവേളകളിൽ ആദായ നികുതി അടയ്ക്കുന്നുണ്ടെന്ന് ഉറപ്പുവരുത്തണമെന്നും അല്ലാത്ത പക്ഷം കുതി വെട്ടിപ്പ് കയ്യോടെ പിടിച്ചാൽ പൊളിറ്റിക്കൽ വെണ്ടേറ്റ എന്നു പറഞ്ഞ് കണ്ണീരൊഴുക്കരുതെന്നുമാണ് സന്ദീപ് വാര്യരുടെ ഭീഷണി. ഫേസ്ബുക്കിലൂടെയായിരുന്നു സന്ദീപിന്റെ ഭീഷണി.
കഴിഞ്ഞ ദിവസം കൊച്ചിയിൽ സിനിമാക്കാരുൾപ്പെടെയുള്ളവരുടെ നേതൃത്വത്തിൽ ഒറ്റയ്ക്കല്ല ഒറ്റക്കെട്ട് എന്ന പേരിൽ പൗരത്വ ഭേദഗതി നിയമത്തിനെതിരെ പ്രതിഷേധ പ്രകടനങ്ങൾ നടത്തിയിരുന്നു. സംവിധായകര്, തിരക്കഥാകൃത്തുക്കള്, നടീ നടന്മാര് തുടങ്ങി സിനിമയുടെ വിവിധ മേഖലകളില് ജോലി ചെയ്യുന്നവര് പ്രതിഷേധത്തിനായി അണിനിരന്നു. രാജ്യവ്യാപകമായി നടക്കുന്ന പ്രതിഷേധങ്ങള്ക്ക് ഐക്യദാര്ഢ്യം പ്രഖ്യപിച്ചുകൊണ്ടാണ് സിനിമപ്രവര്ത്തകരും സാംസ്കാരിക പ്രവര്ത്തകരും മാര്ച്ച് നടത്തിയത്. സിനിമാ പ്രവര്ത്തകരുടെ കൂട്ടായ്മയായ കളക്ടീവ് ഫേസ് വണിന്റെ ആഭിമുഖ്യത്തിലാണ് ലോങ് മാര്ച്ച് ആരംഭിച്ചത്. സംവിധായകന് കമല്, രാജീവ് രവി, ആഷിഖ് ആബു,റീമാ കല്ലിങ്ങൽ, ഗീതു മോഹന്ദാസ് തുടങ്ങിയവരാണ് മാര്ച്ചിന് നേതൃത്വം നല്കിയത്.
ഫേസ്ബുക്ക് പോസ്റ്റിന്റെ പൂര്ണ്ണരൂപം
മുൻപിലുള്ള മൈക്കും ജനക്കൂട്ടവും കണ്ട് പൊളിറ്റിക്കൽ സ്റ്റേറ്റ്മെൻറ് നടത്തുന്ന സിനിമാക്കാരുടെ ശ്രദ്ധക്ക് . പ്രത്യേകിച്ച് നടിമാരുടെ ശ്രദ്ധയ്ക്ക്. ഇൻകംടാക്സ് ഒക്കെ അച്ഛനോ സഹോദരനോ സെക്രട്ടറിയോ കൃത്യമായ ഇടവേളകളിൽ അടയ്ക്കുന്നുണ്ടെന്ന് ഉറപ്പുവരുത്തുക. നാടിനോടുള്ള പ്രതിബദ്ധത കൃത്യമായി നികുതിയടച്ച് തെളിയിക്കുന്നതിൽ പലപ്പോഴും നവ സിനിമാക്കാർ വീഴ്ച വരുത്താറുണ്ട്. ഇക്കാര്യം ഇൻകംടാക്സ്, എൻഫോഴ്സ്മെന്റ് എന്നിവർ ശ്രദ്ധിക്കുമെന്ന് കരുതുന്നു. നാളെ നികുതി വെട്ടിപ്പ് കയ്യോടെ പിടിച്ചാൽ പൊളിറ്റിക്കൽ വെണ്ടേറ്റ എന്നു പറഞ്ഞ് കണ്ണീരൊഴുക്കരുത് . അന്നു നിങ്ങൾക്കൊപ്പം ജാഥ നടത്താൻ കഞ്ചാവ് ടീംസ് ഒന്നുമുണ്ടാവില്ല .