July 10, 2022
July 10, 2022
മക്ക : ആദ്യ ഉംറാ തീർത്ഥാടനത്തിന്റെ ചിത്രങ്ങള് സമൂഹ മാധ്യമങ്ങളില് പങ്കുവച്ച് മുന് ബോളിവുഡ് നടി സനാ ഖാൻ. 2020 ഒക്ടോബര് എട്ടിനാണ് അഭിനയവും മോഡലിങ്ങുമെല്ലാം നിർത്തിയെന്നും ഇനി ജീവിതം ദൈവത്തിന്റെ പാതയിലാണെന്നും മുൻ ബിഗ് ബോസ് മത്സരാർത്ഥിയും മോഡലും നടിയുമായ സന ഖാൻ പ്രഖ്യാപിച്ചത്.അല്ലാഹുവിന്റെ സഹായത്താൽ ഉംറ നിര്വ്വഹിച്ചതായും കഅ്ബയുടെ ആദ്യ ദർശനത്തിന് ദൈവത്തിന് സ്തുതിയെന്നും സന ഖാന് ഇന്സ്റ്റാഗ്രാമില് ചിത്രങ്ങളോടെ കുറിച്ചു.
വികാരങ്ങള് പങ്കുവയ്ക്കാന് വാക്കുകളില്ലെന്നും അല്ലാഹു ഹജ്ജ് സ്വീകരിക്കട്ടെയെന്നും ഇന്സ്റ്റഗ്രാമില് സന കുറിച്ചു.. ഭര്ത്താവ് അനസ് സെയ്ദിനൊപ്പമാണ് സന ഹജ്ജ് തീര്ത്ഥാടനത്തിനെത്തിയത്.'അല്ലാഹുവിന്റെ വീട്ടിലേക്കുള്ള വരവ് സ്വപ്ന സാക്ഷാത്കാരമാണ്. ഓരോരുത്തര്ക്കും അവരവരുടെ ഹജ്ജും ഉംറയും എളുപ്പമാകട്ടെ. അല്ലാഹുവിനോട് ഞാനൊരു പൂവാണു ചോദിച്ചത്. ദൈവം പൂന്തോട്ടം തന്നെ തിരിച്ചുനല്കി. ക്ഷമയും ദൈവസമര്പ്പണവുമാണ് വേണ്ടത്. ദൈവത്തിന് നന്ദി' - അവര് വ്യക്തമാക്കി.
.
അതേസമയം, ഹജ്ജ് കര്മം സന പ്രകടനമാക്കി മാറ്റുകയാണെന്ന പ്രതികരണങ്ങളും ചിലർ ഉന്നയിച്ചു.
'ഒരു വ്യക്തിയുടെ ഷോ ഓഫ്. ശ്രദ്ധ തേടുന്നവള്, ഇപ്പോള് പ്രശസ്തമാകാന് മതം ഉപയോഗിക്കുന്നു' എന്നൊക്കെയാണ് ചിത്രത്തിന് താഴെ ചിലർ പ്രതികരിച്ചത്.
'പ്രസിദ്ധിക്കു വേണ്ടിയുള്ള ദാഹം നന്മ ചെയ്യാന് നിങ്ങളെ അനുവദിക്കില്ല. ഇത് ഗ്ലാമര് ജീവിതത്തിനു വേണ്ടിയുള്ള ആസക്തിയാണ്. നിങ്ങള്ക്ക് ക്യാമറയില് നിന്ന് മാറി നില്ക്കാനാവില്ല.'എന്നും കമന്റുണ്ട്.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക