March 08, 2021
March 08, 2021
ദോഹ: ഖത്തറിലെ ഓരോ ദിവസത്തെയും ഗതാഗത നിയന്ത്രണങ്ങള്‍ സംബന്ധിച്ച അറിയിപ്പുകള്‍ മൊബൈല്‍ ഫോണില്‍ ലഭിക്കുമെന്ന് ഹുകൂമി അറിയിച്ചു. പൊതുമരാമത്ത് അതോറിറ്റിയായ അഷ്ഗല്‍ നല്‍കുന്ന റോഡ് അടയ്ക്കുന്നത്, വഴി തിരിച്ചു വിടുന്നത് എന്നിവ ഉള്‍പ്പെടെയുള്ള അറിയിപ്പുകളാണ് മൊബൈല്‍ ഫോണില്‍ ലഭിക്കുക.
റോഡ് അനൗണ്‍സ്‌മെന്റ് സര്‍വ്വീസില്‍ രജിസ്റ്റര്‍ ചെയ്യുന്നവര്‍ക്ക് മാത്രമാണ് ഫോണില്‍ എസ്.എം.എസ് രൂപത്തില്‍ അറിയിപ്പുകള്‍ ലഭിക്കുക. രജിസ്റ്റര്‍ ചെയ്യാനായി അഷ്ഗലിലെ അസറ്റ്‌സ് അഫയേഴ്‌സ് സെക്റ്ററിലെ റോഡ് മെയിന്റനന്‍സ് ഡിപ്പാര്‍ട്ട്‌മെന്റില്‍ അപേക്ഷ സമര്‍പ്പിക്കണം. വിജയകരമായി രജിസ്റ്റര്‍ ചെയ്ത് കഴിഞ്ഞാല്‍ അറിയിപ്പുകള്‍ ഇ-മെയിലായോ എസ്.എം.എസ് ആയോ ഉപഭോക്താക്കള്‍ക്ക് ലഭിച്ച് തുടങ്ങും.
ജനങ്ങള്‍ക്ക് ഓണ്‍ലൈനായും രജിസ്റ്റര്‍ ചെയ്യാം. ഇതിനായി അഷ്ഗലിന്റെ വെബ്‌സൈറ്റിലെ രജിസ്‌ട്രേഷനായുള്ള പ്രത്യേക സെക്ഷനില്‍ എത്തിയ ശേഷം വിവരങ്ങള്‍ നല്‍കി ഓണ്‍ലൈന്‍ ഫോം പൂരിപ്പിച്ച് അക്കൗണ്ട് ഉണ്ടാക്കണം. റോഡ് അനൗണ്‍സ്‌മെന്റ് സേവനം ലഭിക്കുന്നതിന് ഇവിടെ ക്ലിക്ക് ചെയ്ത് ഓണ്‍ലൈനായി രജിസ്റ്റര്‍ ചെയ്യാം.
എസ്.എം.എസ് സേവനം ആവശ്യമുള്ളവര്‍ രജിസ്റ്റര്‍ ചെയ്ത മൊബൈല്‍ ഫോണിലേക്ക് വെരിഫിക്കേഷന്‍ കോഡ് എസ്.എം.എസ് ആയി എത്തും. ഈ കോഡ് നല്‍കി എസ്.എം.എസ് സബ്‌സ്‌ക്രിപ്ഷന്‍ ആരംഭിക്കാം.
ഖത്തറിനുള്ളില്‍ മാത്രമാണ് സേവനം ലഭിക്കുക. കൂടുതല്‍ വിവരങ്ങള്‍ക്ക് അഷ്ഗലിന്റെ കോള്‍ സെന്ററിലേക്ക് 188 അല്ലെങ്കില്‍ 44951111 എന്നീ നമ്പറുകളില്‍ ബന്ധപ്പെടാം.
ന്യൂസ് റൂം വാര്‍ത്തകള്‍ വാട്ട്‌സ്ആപ്പില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.
ന്യൂസ് റൂം വാര്‍ത്തകള്‍ ടെലിഗ്രാമില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.
