March 19, 2023
March 19, 2023
ന്യൂസ്റൂം ബ്യൂറോ
റിയാദ്: ഇന്ന് രാവിലെ മുതല് റിയാദ് നഗരത്തില് പച്ച ബസുകള് സര്വീസ് തുടങ്ങി. ആദ്യ ദിനം യാത്ര സര്വീസ് സൗജന്യമാണ്. നാളെ മുതലാണ് ടിക്കറ്റ് ഈടാക്കുക. രണ്ട് മണിക്കൂറിന് നാല് റിയാലാണ് ടിക്കറ്റ് ചാര്ജ്. ബസില് കയറിയതുമുതലുള്ള സമയമാണ് കണക്കാക്കുക. ഈ സമയത്തിനിടയില് ബസുകള് മാറിക്കയറിയാലും പുതിയ ടിക്കറ്റ് എടുക്കേണ്ടതില്ല.
കിംഗ് അബ്ദുല് അസീസ് പൊതുഗതാഗത പദ്ധതിയുടെ ആദ്യഘട്ടമാണ് ഇന്ന് നടപ്പായതെന്ന് റോയല് കമ്മീഷന് ഫോര് റിയാദ് സിറ്റി അറിയിച്ചു. 633 സ്റ്റോപ്പുകളെ ബന്ധിപ്പിച്ച് 340 ബസുകള് 15 റൂട്ടുകളിലായാണ് സര്വീസ് നടത്തുക.
ബസ് സ്റ്റോപ്പുകളില് സ്ഥാപിച്ചിരിക്കുന്ന വെന്റിംഗ് മെഷീനുകള് വഴിയോ ദര്ബ് കാര്ഡ് വഴിയോ റിയാദ് ബസ് വെബ്സൈറ്റ് വഴിയോ ആപ്ലിക്കേഷന് വഴിയോ ടിക്കറ്റെടുക്കാം. ഡ്രൈവര്ക്ക് പണം നല്കി ടിക്കറ്റ് എടുക്കുന്ന സമ്പ്രദായം പൂര്ണമായും നിര്ത്തലാക്കിയിട്ടുണ്ട്. ചുവപ്പ് നിറത്തിലുള്ള ബസുകളുടെ ടിക്കറ്റുകള് ഉപയോഗിച്ച് പച്ച ബസുകളില് യാത്ര ചെയ്യാന് സാധിക്കില്ല. പകരം എടിഎം കാര്ഡുകള് ഉപയോഗിച്ച് ടിക്കറ്റ് എടുക്കാവുന്നതാണ്. ആറു വയസ്സുവരെയുള്ള കുട്ടികള്ക്ക് ടിക്കറ്റ് എടുക്കേണ്ടതില്ല.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക
https://chat.whatsapp.com/BA70KEJMeBmGW92ahNcBva