January 06, 2023
January 06, 2023
ന്യൂസ്റൂം സ്പോർട്സ് ഡെസ്ക്
ദോഹ : 25-ാമത് അറേബ്യൻ ഗൾഫ് കപ്പിൽ നാളെ ഖത്തർ കുവൈത്തിനെ നേരിടും.ഇറാഖി നഗരമായ ബസ്രയിലെ അൽ-മിന ഇന്റർനാഷണൽ സ്റ്റേഡിയത്തിലാണ് മൽസരം നടക്കുക.
കുവൈത്തിനെതിരായ ഉദ്ഘാടന മത്സരം വളരെ പ്രധാനപ്പെട്ടതാണെന്നും ഏറെ പ്രതീക്ഷയോടെയാണ് നാളെ മത്സരത്തിനിറങ്ങുന്നതെന്നും ഖത്തർ പരിശീലകൻ ബ്രൂണോ മിഗ്വൽ പിൻഹീറോ പറഞ്ഞു.ഫെലിക്സ് സാഞ്ചസ് സ്ഥാനമൊഴിഞ്ഞതിന് ശേഷം നിയമിതനായ പുതിയ പരിശീലകൻ ബ്രൂണോ മിഗ്വൽ പിൻഹീറോക്ക് കീഴിൽ ഖത്തർ ടീം ആദ്യമായാണ് നാളെ മത്സരത്തിനിറങ്ങുന്നത്. കുവൈത്തിന് പുറമെ,. ബഹ്റൈനും യുഎഇയും ഉൾപ്പെടുന്ന ഗ്രൂപ്പിലാണ് ഖത്തർ മത്സരിക്കുന്നത്.
നാളെ നടക്കുന്ന ആദ്യ മത്സരത്തിൽ ബഹ്റൈൻ യു.എ.ഇയെ നേരിടും.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/B5cRGSkveuO5fUeQTErqlq എന്ന ലിങ്കിൽ ജോയിൻ ചെയ്യുക.