October 29, 2023
October 29, 2023
ന്യൂയോർക്ക് : ഫലസ്തീൻ ജനതയ്ക്ക് നേരെ ഇസ്രായേൽ നടത്തുന്ന ഭീകരാക്രമണത്തിനെതിരെ ന്യൂയോർക്കിൽ ജൂത വിശ്വാസികളുടെ പ്രകടനം.'ഞങ്ങളുടെ പേരിൽ വംശഹത്യ വേണ്ട' എന്ന മുദ്രാവാക്യമുയർത്തിയാണ് ഫലസ്തീനെ പിന്തുണച്ച് 'ജ്യൂയിഷ് വോയ്‌സ് ഫോർ പീസ്' എന്ന സംഘടന ന്യൂയോർക്കിൽ പ്രകടനം നടത്തിയത്.റാലിയിൽ പങ്കെടുത്ത നിരവധിപേരെ പൊലീസ് അറസ്റ്റ് ചെയ്തു.
ഗസ്സയിൽ ഇസ്രായേൽ ആക്രമണം തുടങ്ങിയ ഘട്ടത്തിൽ ഗസയ്‌ക്കെതിരായ ആക്രമണത്തിനെതിരെ പുരോഗമന യുഎസ് ജൂതന്മാരുട കൂട്ടായ്മയായ 'പ്രോഗ്രസ്സിവ് ജ്യൂസ്' ആയിരത്തിലധികം ആളുകളെ അണിനിരത്തി വൈറ്റ് ഹൗസിലേക്ക് മാർച്ച് നടത്തിയിരുന്നു.
അതേസമയം,ഇസ്രായേൽ കരയുദ്ധത്തിലേക്ക് നീങ്ങുന്ന പശ്ചാത്തലത്തിൽ ഇറാൻ പ്രസിഡന്റും ഖത്തർ അമീറും തമ്മിൽ ചർച്ച നടത്തി. ഗസ്സയിൽ ഇസ്രായേൽ തുടരുന്ന നരമേധത്തിൽ ഇരുവരും ആശങ്ക പങ്കുവെച്ചു. ഗസ്സയിൽ സ്ത്രീകൾക്കും കുട്ടികൾക്കും നേരെയുള്ള ഭ്രാന്തൻ നടപടികൾ ഇസ്രായേൽ നിർത്തണമെന്ന് തുർക്കി പ്രസിഡന്റ് ഉർദുഗാൻ ആവശ്യപ്പെട്ടു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
