July 14, 2022
July 14, 2022
ജിദ്ദ :ജിദ്ദയില്‍ വിമാനം റണ്‍വേയില്‍ നിന്നും തെന്നിമാറി. ഗള്‍ഫ്സ്ട്രീം 400 വിഭാഗത്തില്‍ പെട്ട വിമാനമാണ് കിംഗ് അബ്ദുല്‍ അസീസ് ഇന്റര്‍നാഷണല്‍ എയര്‍പോര്‍ട്ടിലെ റണ്‍വേയില്‍ നിന്ന് തെന്നിമാറിയത്.
ബുധനാഴ്‌ച രാവിലെ 8:10 നാണ് എല്‍.എ 534 വിമാനം ലാൻഡിങ്ങിനിടെ റണ്‍വേയില്‍ നിന്നും തെന്നിയത്. വിമാനത്താവളത്തിലെ എമര്‍ജന്‍സി റെസ്‍ക്യൂ സംഘം ഉടന്‍തന്നെ സ്ഥലത്തെത്തി തുടര്‍ നടപടികള്‍ സ്വീകരിച്ചു.അപകടം നടക്കുമ്പോൾ അഞ്ച് ജീവനക്കാർ മാത്രമാണ് വിമാനത്തിലുണ്ടായിരുന്നത്.ഇവർ സുരക്ഷിതരാണെന്ന് അധികൃതർ വ്യക്തമാക്കി. സംഭവത്തിന്റെ കാരണങ്ങള്‍ ഉള്‍പ്പെടെ കണ്ടെത്താനായി വിദഗ്ധ സംഘത്തിന്റെ അന്വേഷണം ഇതിനോടകം തുടങ്ങിയിട്ടുണ്ട്. അതേസമയം മറ്റ് വിമാനങ്ങളുടെ വരവിനെയും പോക്കിനെയും സംഭവം ഒരുതരത്തിലും ബാധിച്ചില്ലെന്നും വിമാനത്താവളത്തിന്റെ പ്രവര്‍ത്തനം സാധാരണ പോലെ തന്നെ തുടര്‍ന്നുവെന്നും അധികൃതര്‍ അറിയിച്ചു.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
