March 13, 2023
March 13, 2023
ദോഹ: 2024ലെ പാരീസ് ഒളിമ്പിക്‌സ് പുരുഷ വിഭാഗത്തില്‍ ഖത്തര്‍ വോളിബോള്‍ ടീം എഫ്‌ഐവിബി യോഗ്യത നേടി. ലോകത്തിലെ ഏറ്റവും മികച്ച 25 ടീമുകളില്‍ ഒന്നായാണ് ഖത്തര്‍ വോളിബോള്‍ ടീം യോഗ്യത നേടിയത്. ഇന്‍ഡോര്‍ കായിക വിനോദത്തിനുള്ള അന്താരാഷ്ട്ര ഭരണസമിതിയാണ് എഫ്‌ഐവിബി(ഫെഡറേഷന്‍ ഇന്റര്‍നാഷണല്‍ ഡി വോളിബോള്‍).
അടുത്ത വര്‍ഷം ജൂലൈ 26നാണ് പാരീസ് ഒളിമ്പിക്‌സ് ആരംഭിക്കുക. ആറ് ടീമുകള്‍ക്കൊപ്പം ഒളിമ്പികിസിലേക്കുള്ള ആദ്യ മത്സരത്തില്‍ ഇടം പിടിച്ചിരിക്കുകയാണ് ഖത്തര്‍. യോഗ്യതാ ടൂര്‍ണമെന്റുകളുടെ വിശദാംശങ്ങള്‍ എഫ് ഐവിബി പിന്നീട് അറിയിക്കും.
ആതിഥേയ രാജ്യമെന്ന നിലയില്‍ ഫ്രാന്‍സ് വോളിബോള്‍ മത്സരത്തില്‍ ഇടംപിടിച്ചിട്ടുണ്ട്. അതേസമയം റഷ്യയ്ക്ക് യോഗ്യത നേടാനായില്ല.
