September 12, 2021
September 12, 2021
ആലക്കോട്: വെള്ളാട് സ്വദേശിയായ നഴ്‌സിനെ സൗദിയില്‍ ആശുപത്രിയില്‍ മരിച്ചനിലയില്‍ കണ്ടെത്തിയ സംഭവത്തിൽ ദുരൂഹത നീങ്ങിയില്ല..വെള്ളാട് മുക്കിടിക്കാട്ടില്‍ ജോണിന്റെയും സെലിന്റെയും മകള്‍ ജോമി ജോണ്‍ സെലിന്‍ എന്ന 28 കാരിയാണ് മരിച്ചത്.ബുധനാഴ്ച മുതല്‍ സെലിനെ കാണാനില്ലായിരുന്നു.അവിവാഹിതയാണ്.
അല്‍ ഖോബാറി സ്വകാര്യ ആശുപത്രിയില്‍ ജോലിചെയ്തുവരികയായിരുന്ന യുവതി രണ്ടുമാസം മുമ്പ് നാട്ടില്‍ വന്ന് മടങ്ങിയതായിരുന്നു . ഓപ്പറേഷന്‍ തിയേറ്ററിന് സമീപം കുളിമുറിയിലാണ് മരിച്ചനിലയില്‍ കാണപ്പെട്ടത്. അതേസമയം, ശരീരത്തില്‍ പരിക്കുകളൊന്നും കാണാനില്ല. നടപടികള്‍ പൂര്‍ത്തിയാക്കി മൃതദേഹം നാട്ടിലെത്തിക്കാന്‍ ശ്രമിച്ചുവരുന്നു. മലയാളി സംഘടനാപ്രവര്‍ത്തകര്‍ സഹായവുമായി പ്രവര്‍ത്തിക്കുന്നുണ്ട്.
അതേസമയം,ജോമിയുടെ മരണത്തിലെ ദുരൂഹത നീക്കണമെന്നാവശ്യപ്പെട്ട് ബന്ധുക്കൾ രംഗത്തെത്തിയിട്ടുണ്ട്.രോഗികളെ മയക്കാൻ ഉപയോഗിക്കുന്ന മരുന്ന് കൂടിയ അളവിൽ ശരീരത്തിൽ കുത്തിവെച്ചതാണ് മരണത്തിന് കാരണമെന്നാണ് ഒടുവിൽ പുറത്തുവരുന്ന നിഗമനം.പോസ്റ്റ്‌മോർട്ടത്തിൽ മാത്രമേ ഇക്കാര്യം വ്യക്തമാവൂ.
