August 08, 2023
August 08, 2023
ന്യൂസ്റൂം ബ്യുറോ / ദോഹ
ദോഹ: ഹജ്ജിനായി മക്കയിലെത്തിയ മലപ്പുറം വളാഞ്ചേരി പൈങ്കണ്ണൂർ സ്വദേശി ചക്കുങ്ങൽ മൊയ്തീൻ മൊയ്തീനെ കഴിഞ്ഞ ഒരു മാസമായി കാണാനില്ല . ഇദ്ദേഹത്തെ കണ്ടെത്താൻ ബന്ധുക്കൾ പ്രവാസികളുടെ സഹായം തേടുന്നു.
ഭാര്യയോടും ബന്ധുവിനോടുമൊപ്പം സ്വകാര്യ ഗ്രൂപ്പിൽ ഹജ്ജിനെത്തിയതായിരുന്നു മൊയ്തീൻ. മറവി രോഗമുള്ള ഇദ്ദേഹത്തെ കണ്ടെത്താനുള്ള പരിശ്രമം പുരോഗമിക്കുകയാണ്. കഴിഞ്ഞ മാസം ജൂലൈ 8 നാണ് മക്കയിൽ നിന്ന് കാണാതായത്. ഹജ്ജ് കർമ്മങ്ങൾ കഴിഞ്ഞ് അടുത്ത ദിവസം രാവിലെ ഹറമിനടുത്തുള്ള ഹോട്ടലിൽ നിന്ന് പുറത്തിറങ്ങിയതായിരുന്നു. പിന്നീട് തിരിച്ച് വന്നിട്ടില്ല.
പിതാവിനെ കാണാതായതിനെ തുടർന്ന്, മകൻ ഷബീറും നാട്ടിൽ നിന്ന് അന്വേഷണത്തിനായി മക്കയിലെത്തിയിട്ടുണ്ട്. കാണാതായി രണ്ട് ദിവസത്തിന് ശേഷം മക്കയിൽ നിന്ന് മൂന്ന് കിലോമീറ്റർ അകലെയുള്ള നുസ്ഹയിൽ മൊയ്തീനെ ഒരു മലയാളി കണ്ടിരുന്നതായും അദ്ദേഹത്തോട് ഹറമിലേക്കുള്ള വഴി ചോദിച്ചതായും വിവരം കിട്ടിയിരുന്നു.
ഇദ്ദേഹത്തെ കുറിച്ച് എന്തെങ്കിലും വിവരം ലഭിക്കുന്നവർ സാമൂഹിക പ്രവർത്തകനായ മുജീബ് പൂക്കോട്ടൂരിനെ 050 233 6683 എന്ന നമ്പറിൽ അറിയിക്കണമെന്ന് ബന്ധുക്കൾ അഭ്യർത്ഥിച്ചു.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/DoTp5mITouhJcwHKcDKLsm