August 06, 2023
August 06, 2023
ന്യൂസ്റൂം ബ്യൂറോ
റിയാദ്- റിയാദിനടുത്ത് ഹരീഖില് കാര് മറിഞ്ഞ് കൊല്ലം സ്വദേശി മുഹമ്മദ് റാശിദ് (27) മരിച്ചു. കൊല്ലം ശാസ്താംകോട്ട കൊമറംചിറ കോട്ടക്കാട്ടുമുക്ക് വലിയ വീട്ടില് മുഹമ്മദ് കുഞ്ഞിയുടെയും ലൈല ബീവിയുടെയും മകനാണ് മരിച്ചത്. കൂടെ യാത്ര ചെയ്തിരുന്ന നാസിം പെരുവയല്, ചെറിയ പരിക്കുകളോടെ ഹോത്ത ബനീ തമീം ആശുപത്രിയില് ചികിത്സയിൽ തുടരുകയാണ്.
ശനിയാഴ്ച്ച രാത്രി ഒമ്പത് മണിക്ക് ഹരീഖില് നിന്ന് അല്ഹായിറിലേക്ക് മടങ്ങുമ്പോഴാണ് അപകടമുണ്ടായത്. ഐസിഎഫ് ഹോത്ത സജീവ പ്രവര്ത്തകനാണ് മരിച്ച മുഹമ്മദ് റാശിദ്. സഹോദരങ്ങൾ: ജിഷാര്, റിയാസ്, റജീന. മൃതദേഹവുമായി ബന്ധപ്പെട്ട നടപടികള് കെഎംസിസി സംഘടനയുടെ നേതൃത്വത്തിൽ പുരോഗമിക്കുകയാണ്.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/IkqmkUPd0fhGs9abNGXONm