March 12, 2024
March 12, 2024
മക്ക: സൗദി അറേബ്യയില് ഉംറ തീര്ത്ഥാടകര്ക്ക് മാസ്ക് നിര്ബന്ധമാക്കി. മക്ക ഗ്രാന്ഡ് മോസ്കിലും മദീനയിലെ പ്രവാചകന്റെ പള്ളിയിലും തീര്ത്ഥാടകര്ക്ക് മാസ്ക് നിര്ബന്ധമാക്കിയതായി പബ്ലിക് സെക്യൂരിറ്റി ഡയറക്ടറേറ്റ് വ്യക്തമാക്കി. റമദാനോട് അനുബന്ധിച്ച് പുണ്യസ്ഥലങ്ങളില് തിരക്ക് വര്ധിച്ചതിന്റെ പശ്ചാത്തലത്തിലാണ് തീരുമാനം. മാസ്ക് പകര്ച്ചവ്യാധികളില് നിന്ന് സംരക്ഷണം നല്കുമെന്നും ഡയറക്ടറേറ്റ് അറിയിച്ചു.
അതേസമയം റമദാനിലെ തിരക്ക് നിയന്ത്രിക്കുന്നതിനായി ഗ്രാന്ഡ് മോസ്കില് ഉംറ തീര്ത്ഥാടകര്ക്കായി പ്രത്യേക എന്ട്രി, എക്സിറ്റ് ഗേറ്റുകള് സ്ഥാപിച്ചു. തീര്ത്ഥാടകരുടെ എണ്ണം വര്ധിക്കുന്ന സാഹചര്യത്തിലാണ് തീരമാനമെന്ന് ഗ്രാന്ഡ് മോസ്കിന്റേയും പ്രവാചക പള്ളിയുടേയും ചുമതലയുള്ള ജനറല് അതോറിറ്റി അറിയിച്ചു.
കിംഗ് അബ്ദുല് അസീസ് ഗേറ്റ്, കിംഗ് ഫഹദ് ഗേറ്റ്, ഉംറ ഗേറ്റ്, അല്-സലാം ഗേറ്റ് എന്നിവയുള്പ്പെടെയുള്ള നിയുക്ത പ്രവേശന കവാടങ്ങളിലൂടെയും താഴത്തെ നിലയിലെ പ്രത്യേക വാതിലിലൂടെയും ഉംറ തീര്ഥാടകര്ക്ക് ഗ്രാന്ഡ് മസ്ജിദിലേക്ക് പ്രവേശനം അനുവദിക്കും. അടിയന്തര സാഹചര്യങ്ങളില് ഉപയോഗിക്കുന്നതിനായി വ്യവസ്ഥകളോടെ സൈഡ് ക്രോസിംഗുകള്, ഗോവണികള് ഉള്പ്പെടെയുള്ളവയും മസ്ജിദിന്റെ പരിസരത്ത് സജ്ജമാക്കിയിട്ടുണ്ട്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F