January 06, 2024
January 06, 2024
റിയാദ്: സൗദി അറേബ്യയില് അതിര്ത്തിക്കടുത്തുള്ള നിയന്ത്രിത വനപ്രദേശങ്ങളില് പ്രവേശിക്കരുതെന്ന് ജനറല് ഡയറക്ടറേറ്റ് ഓഫ് ബോര്ഡര് ഗാര്ഡ്സ് മുന്നറിയിപ്പ് നല്കി. മുന്നറിയിപ്പ് ലംഘിക്കുന്നവര്ക്കെതിരെ നിയമ നടപടികള് സ്വീകരിക്കുമെന്നും സുരക്ഷാ സേന അറിയിച്ചു. അനധികൃതമായ പ്രവേശനം തടയുന്നതിനായി അതിര്ത്തികളില് മുന്നറിയിപ്പുകളും അടയാളങ്ങളും മണ്തടങ്ങളും രേഖപ്പെടുത്തിയിട്ടുണ്ടെന്നും അതോറിറ്റി വ്യക്തമാക്കി. നിയമം ലംഘിക്കുന്നവര്ക്ക് ബോര്ഡര് സെക്യൂരിറ്റി നിയമവും എക്സിക്യൂട്ടീവ് റെഗുലേഷനുകളും പ്രകാരം 30 മാസം വരെ തടവ് മുതല് 25,000 റിയാല് വരെ പിഴയും അല്ലെങ്കില് രണ്ടും ശിക്ഷയായി ലഭിക്കും.
സൗദി അതിര്ത്തിക്ക് സമീപമുള്ള മരുഭൂമിയിലെ എല്ലാ സന്ദര്ശകര്ക്കും മുന്നറിയിപ്പ് ബാധകമാണ്. നിയമ ലംഘകരെ തുടര്നടപടികള്ക്കായി ബന്ധപ്പെട്ട അധികാരികള്ക്ക് കൈമാറുന്നതുള്പ്പെടെയുള്ള നിര്ണായക നടപടികള്ക്ക് സേന പൂര്ണമായും തയ്യാറാണെന്നും അതോറിറ്റി ചൂണ്ടിക്കാട്ടി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F