August 24, 2023
August 24, 2023
മക്ക: മക്കയിൽ കനത്ത മഴയെ തുടർന്നുണ്ടായ വെള്ളപ്പൊക്കത്തിൽ ഒരാൾ മുങ്ങി മരിച്ചു. മിന എലിമെന്ററി സ്കൂളിൽ അദ്ധ്യാപകനായ മുഹമ്മദ് അൽ ത്വയ്മിയാണ് മരിച്ചത്. വെള്ളപ്പൊക്കത്തെ തുടർന്ന് കാറിൽ നിന്ന് രക്ഷപ്പെടാനുള്ള ശ്രമത്തിനിടെയാണ് അദ്ദേഹം മുങ്ങി മരിച്ചത്.
തീർഥാടകർ രാത്രിയിൽ കഅബയെ പ്രദക്ഷിണം ചെയ്തു കൊണ്ടിരിക്കുന്നതിനിടെ മക്ക ക്ലോക്ക് റോയൽ ടവർ ഹോട്ടലിൽ ഇടിമിന്നലേറ്റിരുന്നു. ശക്തമായ കാറ്റിൽ തീർഥാടകരിൽ പലരും കാലിടറി വീണതായും റിപ്പോർട്ടുണ്ട്. കാറ്റിൽ പറന്ന ശുചീകരണ വസ്തുക്കളും ഡിസ്പ്ലേ ബോർഡുകളും പിടിച്ചുനിർത്താൻ ജീവനക്കാർ ഏറെ കഷ്ടപ്പെട്ടിരുന്നു. ബാരിക്കേഡുകൾ മറിഞ്ഞുവീണ് തീർഥാടകർക്കും പരിക്കേറ്റിട്ടുണ്ട്.
പൊതുജനങ്ങളുടെ സുരക്ഷ കണക്കിലെടുത്ത് ഓൺലൈൻ പ്ലാറ്റ്ഫോമുകളിൽ ക്ലാസുകൾ നടത്തിക്കൊണ്ട് സ്കൂളുകൾ അടച്ചിടുമെന്ന് മക്ക ഗവർണറേറ്റ് അറിയിച്ചു. മക്ക മേഖലയിലും പടിഞ്ഞാറൻ സൗദി അറേബ്യയിലെ മറ്റിടങ്ങളിലും കൂടുതൽ കൊടുങ്കാറ്റുണ്ടാകുമെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/BrKVB5Ii85n26onvJMSO7R