July 29, 2023
July 29, 2023
ന്യൂസ്‌റൂം ബ്യുറോ
റിയാദ് : 2030 ഓടെ സൗദി അറേബ്യയിലെ വിനോദ സഞ്ചാര മേഖലയിൽ 16 ലക്ഷം തൊഴിലവസരങ്ങള്‍ സൃഷ്ടിക്കാന്‍ ടൂറിസം മന്ത്രാലയത്തിന് പദ്ധതി. മാനവശേഷി വികസന കാര്യങ്ങള്‍ക്കുള്ള മന്ത്രാലയ അണ്ടര്‍ സെക്രട്ടറി മുഹമ്മദ് ബശ്‌നാഖ് ആണ് ഇക്കാര്യം അറിയിച്ചത്..
2020 ല്‍ ടൂറിസം മന്ത്രാലയം ആരംഭിച്ച പരിശീലന പ്രോഗ്രാമിലൂടെ മൂന്നു വര്‍ഷത്തിനിടെ അഞ്ചു ലക്ഷം സൗദികള്‍ക്ക് പരിശീലനങ്ങള്‍ ലഭ്യമാക്കി. പദ്ധതിയുടെ ഭാഗമായി 90 ലേറെ പരിശീലന പദ്ധതികള്‍ നടപ്പാക്കുന്നുണ്ട്.
കഴിഞ്ഞ വര്‍ഷം ടൂറിസം മേഖലയിലെ 198 ഉന്നത ജീവനക്കാര്‍ എക്‌സിക്യൂട്ടീവ് മാസ്റ്റേഴ്‌സ് പ്രോഗ്രാം നേടി. ടൂറിസം മേഖലയിലെ സ്വദേശിവല്‍ക്കരണം തൊഴിലുകള്‍ മെച്ചപ്പെടുത്തുന്നതിലൂടെയും ഉന്നത തസ്തികകളില്‍ നിന്നും ആരംഭിക്കണമെന്ന് ടൂറിസം മന്ത്രാലയം വിശ്വസിക്കുന്നു. ഉന്നത തസ്തികകളില്‍ ജോലി ചെയ്യാന്‍ സൗദികള്‍ യോഗ്യരാണെന്നും മുഹമ്മദ് ബശ്‌നാഖ് പറഞ്ഞു.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/IkqmkUPd0fhGs9abNGXONm
