December 27, 2023
December 27, 2023
റിയാദ്: സൗദിയില്‍ ആര്‍ട്ടിഫിഷ്യല്‍ ഇന്റലിജന്‍സിലൂടെയുള്ള (AI) കുറ്റകൃത്യങ്ങള്‍ തടയാൻ നടപടികള്‍ കര്‍ശനമാക്കുന്നു. എഐ സാങ്കേതിക വിദ്യയിലൂടെ മറ്റുള്ളവരെ അപകീര്‍ത്തിപ്പെടുത്തുക, ഉപദ്രവിക്കുക തുടങ്ങിയവയ്ക്ക് ഇനിമുതല്‍ കടുത്ത ശിക്ഷ ലഭിക്കും. നിയമവിരുദ്ധമായി എഐ സാങ്കേതിക വിദ്യ ഉപയോഗിക്കുന്ന സോഷ്യല്‍ മീഡിയ ഉപയോക്താക്കള്‍ക്ക് അഞ്ച് വര്‍ഷം വരെ തടവ് ലഭിക്കുമെന്ന് സൗദി അഭിഭാഷകന്‍ സയീദ് അല്‍ ഖര്‍നി മുന്നറിയിപ്പ് നല്‍കി. സൗദി ടിവിക്ക് നല്‍കിയ അഭിമുഖത്തിലാണ് അദ്ദേഹം ഇക്കാര്യം വ്യക്തമാക്കിയത്.
എഐയിലൂടെ കൃത്രിമമായി നിര്‍മ്മിച്ച വീഡിയോ ക്ലിപ്പുകള്‍ വ്യാപകമായി പ്രചരിക്കുന്ന പശ്ചാത്തലത്തിലാണ് നടപടി കര്‍ശനമാക്കിയത്. ഇത്തരത്തിലുള്ള കുറ്റകൃത്യങ്ങള്‍ നിരീക്ഷിക്കുന്നതിനായി 24 മണിക്കൂറും പ്രവര്‍ത്തിക്കുന്ന മോണിറ്ററിംഗ് സെന്റര്‍ രൂപീകരിച്ചതായി ഓഗസ്റ്റില്‍ ഒകാസ് പത്രം റിപ്പോര്‍ട്ട് ചെയ്തിരുന്നു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
