August 17, 2023
August 17, 2023
ന്യൂസ്റൂം ബ്യൂറോ
ജിദ്ദ: സൗദിയിലെ പ്രശസ്തമായ അൽമറായി കമ്പനിയുടെ ചില ഉൽപന്നങ്ങൾ വിപണിയിൽ നിന്ന് പിൻവലിച്ചു. ചില പാലുൽപന്നങ്ങൾക്കും ജ്യൂസുകൾക്കും രുചിവ്യത്യാസമുള്ളതായി ഉപയോക്താക്കൾ പരാതിപ്പെടാൻ തുടങ്ങിയതോടെയാണ് ചില ഉൽപന്നങ്ങൾ പിൻവലിക്കാൻ കമ്പനി നിർബന്ധിതരായത്. ഉൽപാദന തീയതിയുടെയും ബാച്ച് നമ്പറിന്റെയും അടിസ്ഥാനത്തിൽ ചില പ്രത്യേക ഉൽപന്നങ്ങളാണ് പിൻവലിച്ചത്.
ഔദ്യോഗികമായി പരാതികൾ നൽകാൻ വാണിജ്യ മന്ത്രാലയം ഉപയോക്താക്കളോട് ആവശ്യപ്പെട്ടിരുന്നു. അതേസമയം, സംഭവത്തിൽ അൽമറായി കമ്പനിയുടെ വിശദീകരണവും മന്ത്രാലയം ആവശ്യപ്പെട്ടിരുന്നു.
കൺസ്യൂമർ പ്രൊട്ടക്ഷൻ അസോസിയേഷൻ നിയമോപദേശങ്ങൾക്കും ജുഡീഷ്യൽ പിന്തുണക്കും പരാതിക്കാരെല്ലാം ഇ-ലിങ്ക് വഴി അപേക്ഷ സമർപ്പിക്കണമെന്ന് അധികൃതർ വ്യക്തമാക്കി.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/BrKVB5Ii85n26onvJMSO7R