August 19, 2023
August 19, 2023
ജിദ്ദ: അറബിക് ഭാഷ അറിയാത്തവര്‍ക്ക് സൗദിയില്‍ കേസുകള്‍ നടത്താന്‍ സഹായിക്കുന്നതിനുള്ള പുതിയ സംവിധാനവുമായി അധികൃതർ. അറബി ഭാഷ സംസാരിക്കാനറിയാത്ത ജനങ്ങൾക്ക് എളുപ്പത്തില്‍ നീതിന്യായ സേവനം ലഭ്യമാക്കാൻ ലക്ഷ്യമിട്ടാണ് പദ്ധതി ആരംഭിച്ചിരിക്കുന്നത്.
നാജിസ് പ്ളാറ്റ്ഫോം വഴി ബഹുഭാഷാ സേവനം ആവശ്യമുള്ളവര്‍ക്ക് വിവിധ ഭാഷാ വ്യാഖ്യാതാക്കളുടെ സേവനത്തിനായി അപേക്ഷിക്കാനാകും. ഇലക്ട്രോണിക് സംവിധാനത്തിലൂടെയാണ് പുതിയ സേവനം മന്ത്രാലയം ആരംഭിച്ചത്.
ഈ സേവത്തിലൂടെ കോടതി നടപടിക്രമങ്ങള്‍ എളുപ്പമാകുമെന്നാണ് അധികൃതര്‍ പ്രതീക്ഷിക്കുന്നത്. വിചാരണാവേളയില്‍ ജുഡീഷ്യല്‍ വകുപ്പുമായും കേസിലെ കക്ഷികളുമായി വാദിക്കാനും ആശയവിനിമയം നടത്തുവാനും സഹായിക്കുന്നതിന് മാതൃഭാഷയില്‍ ഒരു ദ്വിഭാഷിയെ അഭ്യര്‍ഥിക്കാന്‍ ഈ ഇലക്ട്രോണിക് സേവനം സഹായിക്കുമെന്ന് മന്ത്രാലയം വ്യക്തമാക്കി.
20-ലധികം ഭാഷാവിവര്‍ത്തകരുടെ സേവനമാണ് നാജിസ് പ്ളാറ്റ്ഫോം ഒരുക്കിയിട്ടുള്ളത്. എന്നാല്‍, ഈ സേവനത്തിന് പണം ഈടാക്കുമോ എന്ന കാര്യത്തിൽ അധികൃതല്‍ വ്യക്തത നൽകിയിട്ടില്ല.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/BrKVB5Ii85n26onvJMSO7R
