October 10, 2023
October 10, 2023
ജിദ്ദ: ഓണ്ലൈനിലൂടെയുള്ള സാമ്പത്തിക തട്ടിപ്പുകള് തടയാന് ലക്ഷ്യമിട്ട് സൗദി സെന്ട്രല് ബാങ്ക് പുതിയ വ്യവസ്ഥ നടപ്പിലാക്കുന്നു. ബാങ്കുകളിലെ അക്കൗണ്ടുകള്ക്കിടയില് ഉപഭോക്താക്കള് പണമയക്കുമ്പോള് പണമയക്കപ്പെടുന്ന ഗുണഭോക്താവിന്റെ പേരും ഐബാന് നമ്പറും ബാങ്കുകള് പ്രദര്ശിപ്പിക്കണമെന്നാണ് പുതിയ വ്യവസ്ഥ.
വ്യക്തികളേയും സ്ഥാപനങ്ങളേയും ലക്ഷ്യമിട്ട് ആധുനിക സാങ്കേതിക വിദ്യകള് ഉപയോഗിച്ച് തട്ടിപ്പു നടത്തുന്ന സംഘങ്ങളില് നിന്ന് പുതിയ വ്യവസ്ഥ ഉപഭോക്താക്കള്ക്ക് സംരക്ഷണം നല്കും. പ്രശ്സ്തമായ കമ്പനികളുടെയും ധനകാര്യ സ്ഥാപനങ്ങളുടേയും എംബ്ലങ്ങള് ദുരുപയോഗം ചെയ്താണ് ഓണ്ലൈന് തട്ടിപ്പുകള് വ്യാപകമാകുന്നത്. ഇത്തരം തട്ടിപ്പുകള് ചെറുക്കാനുള്ള ശ്രമങ്ങള് ശക്തമാക്കുകയാണെന്നും സെന്ട്രല് ബാങ്ക് അധികൃതര് വ്യക്തമാക്കി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/FSQLmJGMow51SCIIBEEcWV