March 21, 2024
March 21, 2024
റിയാദ്: സൗദി അറേബ്യയില് ജോലിയില്ലാതെ പ്രവാസികളെ റിക്രൂട്ട് ചെയ്യുന്ന തൊഴിലുടമകള്ക്ക് ഒരു ദശലക്ഷം റിയാല് വരെ പിഴ ചുമത്താന് നീക്കം. അനധികൃത ബ്രോക്കേജുകള് ചെറുക്കുന്നത് ലക്ഷ്യമിട്ടാണിത്. ഒന്നോ അതിലധികമോ തൊഴിലാളികളെ മറ്റ് രാജ്യങ്ങളില് നിന്ന് ജോലിയില്ലാതെ റിക്രൂട്ട് ചെയ്താല് രണ്ട് ലക്ഷം റിയാല് മുതല് പരമാവധി ( ഒരു മില്യണ്) വരെ പിഴ ചുമത്തും. പിഴ വ്യവസ്ഥ ചെയ്യുന്ന ഓണ്ലൈന് സര്വേയ്ക്കായി പുറത്തിറക്കിയ കരട് പദ്ധതി പ്രകാരമാണ് വന് തുക പിഴ ചുമത്താന് സൗദി മാനവ വിഭവശേഷി മന്ത്രാലയം പദ്ധതിയിടുന്നത്.
തൊഴിലുടമ പ്രവാസിയാണെങ്കില് രാജ്യത്ത് നിന്ന് നാടുകടത്തും. തൊഴിലുമായി ബന്ധപ്പെട്ട നിയമലംഘനങ്ങള് കണ്ടെത്തുന്നതിനും കേസുകള് ഫയല് ചെയ്യുന്നതിനും പബ്ലിക് പ്രോസിക്യൂഷന് റഫര് ചെയ്യുന്നതിനുമുള്ള ഉത്തരവാദിത്വം മന്ത്രാലയത്തിനായിരിക്കുമെന്നും അഖ്ബര്24 വെബ്സൈറ്റ് റിപ്പോര്ട്ട് ചെയ്തു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F