February 21, 2024
February 21, 2024
റിയാദ്: സൗദി അറേബ്യയിൽ ഉടമയടക്കം ഒമ്പതോ അതില് കുറവോ ജീവനക്കാരുള്ള ചെറുകിട സ്ഥാപനങ്ങള്ക്ക് മൂന്ന് വര്ഷത്തേക്ക് കൂടി ലെവിയിളവ് പ്രഖ്യാപിച്ച് സൗദി മന്ത്രിസഭ. ഇന്നലെ (ചൊവ്വ) സല്മാന് രാജാവിന്റെ അധ്യക്ഷതയില് ചേര്ന്ന മന്ത്രിസഭ യോഗത്തിലാണ് തീരുമാനം.
ഒമ്പതോ അതില് കുറവോ തൊഴിലാളികളുള്ള ചെറുകിട സ്ഥാപനത്തില് തൊഴിലുടമ അതിലെ ജീവനക്കാരനാകുകയും സോഷ്യല് ഇന്ഷുറന്സില് (ഗോസി) രജിസ്റ്റര് ചെയ്യുകയും ചെയ്തിട്ടുണ്ടെങ്കില് രണ്ട് വിദേശി ജീവനക്കാര്ക്കാണ് ലെവി ഇളവ് ലഭിക്കുന്നത്. തൊഴിലുടമക്ക് പുറമെ മറ്റൊരു സൗദി പൗരന് കൂടി സ്ഥാപനത്തിലുണ്ടാകുകയും ഇരുവരും സോഷ്യന് ഇന്ഷുറന്സില് (ഗോസി) രജിസ്റ്റര് ചെയ്യുകയും ചെയ്തിട്ടുണ്ടെങ്കില് നാല് വിദേശി ജോലിക്കാര്ക്ക് ലെവിയില് ഇളവ് ലഭിക്കും. ഒരു സ്ഥാപനത്തില് ലെവിയിൽ നിന്ന് ഒഴിവാക്കാവുന്ന പരമാവധി വിദേശി തൊഴിലാളികളുടെ എണ്ണം നാല് മാത്രമാണ്.
വിദേശി ജീവനക്കാരുടെ പ്രതിമാസ വര്ക്ക് പെര്മിറ്റ് ഫീസാണ് ലെവി. ഇത് അടയ്ക്കുന്നതിൽ നിന്ന് ചെറുകിട സ്ഥാപനങ്ങളെ ഒഴിവാക്കിയ തീരുമാനം അടുത്തൊരു മൂന്ന് വര്ഷത്തേക്ക് കൂടി നീട്ടിയത് ചെറുകിട സ്ഥാപന ഉടമകൾക്ക് സഹായമാകും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F