December 13, 2023
December 13, 2023
ദോഹ: എട്ടാം ഖത്തർ മലയാളി സമ്മേളനത്തിന്റെ ഭാഗമായി നടക്കുന്ന ഖത്തർ ഇന്ത്യൻ ഫുട്ബോൾ ഫോറം (ഖിഫ്) സിറ്റി എക്സ്ചേഞ്ച് - ഈസി റെമിറ്റ് അന്തർ ജില്ലാ ഫുട്ബോൾ ടൂർണ്ണമെന്റ് ഫൈനൽ മത്സരം ഡിസംബർ 15ന് (വെള്ളി) നടക്കും. അൽ അഹ്‍ലി സ്പോർട്സ് ക്ലബ്ബിൽ വൈകുന്നേരം 6 മണി മുതൽ ആണ് മത്സരം. തൃശൂര്‍ ജില്ലാ സൗഹൃദ വേദിയും ഫ്രണ്ട്സ് ഓഫ് കോഴിക്കോടുമാണ് ഫൈനലില്‍ ഏറ്റുമുട്ടുന്നത്.
സെമിയില്‍ കഴിഞ്ഞ വര്‍ഷത്തെ ചമ്പ്യന്മാരായ കെഎംസിസി മലപ്പുറത്തെ പിന്നിലാക്കിയാണ് ഫ്രണ്ട്സ് ഓഫ് കോഴിക്കോട് ഫൈനലില്‍ എത്തിയത്. കെഎംസിസി പാലക്കാടിനെ പരാജയപ്പെടുത്തി തൃശൂര്‍ ജില്ലാ സൗഹൃദ വേദിയും ഫൈനലിലെത്തി. ദോഹയിലെ വിവിധ കലാകായിക അക്കാദമികളിലെ കലാകാരന്മാര്‍ അവതരിപ്പിക്കുന്ന കായിക പ്രകടനങ്ങളും, ഗാലറിയിൽ ശിങ്കാരി മേളവും, ബാൻഡ് വാദ്യവും, മുട്ടിപ്പാട്ടും , മഞ്ഞപ്പടയും ഫൈനൽ മത്സര വേദിയിൽ ഉണ്ടാവുമെന്ന് ഭാരവാഹികള്‍ അറിയിച്ചു. ഫാമിലികൾക്കായി പ്രത്യേക ഇരിപ്പിടങ്ങളും ഒരുക്കിയിട്ടുണ്ട്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
