February 01, 2024
February 01, 2024
ദോഹ: ഷാർജയിൽ നടക്കുന്ന നാലാമത് ഏഷ്യൻ പാരാ ഗെയിംസിൽ ഖത്തർ ദേശീയ ടീം രണ്ട് വെള്ളിയും രണ്ട് വെങ്കലവും നേടി. ഖത്തറിന്റെ അലി റാദി ആഷിദ് 400 മീറ്റർ വീൽചെയർ ഓട്ടത്തിൽ വെള്ളി മെഡലും, 100 മീറ്റർ വീൽചെയർ ഓട്ടത്തിൽ വെങ്കലവും സ്വന്തമാക്കി. കൂടാതെ, ജാവലിൻ ത്രോ മത്സരത്തിൽ അബ്ദുൾറഹ്മാൻ അബ്ദുൾഖാദർ വെങ്കലവും, ജാവലിൻ ത്രോ മത്സരത്തിൽ സാറാ മസൂദ് വെള്ളിയും നേടി. മത്സരം ഫെബ്രുവരി 3ന് അവസാനിക്കും.
ഗോൾ ബോൾ മത്സരത്തിൽ 15-5 എന്ന സ്‌കോറിന് യു.എ.ഇ ടീമിനെ പരാജയപ്പെടുത്തിയെങ്കിലും, പിന്നീട് 2-12 എന്ന സ്‌കോറിന് ജോർദാൻ ടീമിനോട് തോറ്റു. എന്നാൽ ഒമാനി ടീമിനെയും 9-5 എന്ന സ്‌കോറിന് പരാജയപ്പെടുത്തിയിരുന്നു.
അത്‌ലറ്റിക്‌സ്, ടേബിൾ ടെന്നീസ്, ബാഡ്മിൻ്റൺ, ഗോൾബോൾ, വീൽചെയർ ബാസ്‌ക്കറ്റ്‌ബോൾ, ബോസിയ, പവർലിഫ്റ്റിംഗ് എന്നിങ്ങനെ 7 കായിക ഇനങ്ങളിലായി 12 രാജ്യങ്ങളെ പ്രതിനിധീകരിച്ച് 513 അത്‌ലറ്റുകളാണ് മത്സരത്തിൽ പങ്കെടുക്കുന്നത്. ഖത്തർ, യു.എ.ഇ, ജോർദാൻ, ബഹ്റൈൻ, സൗദി അറേബ്യ, സിറിയ, ഇറാഖ്, ഒമാൻ, ഫലസ്തീൻ, കുവൈത്ത്, ലെബനാൻ, യെമൻ എന്നീ രാജ്യങ്ങളാണ് മത്സരത്തിലുള്ളത്.
അതേസമയം, ഫെബ്രുവരി 3 മുതൽ 6 വരെ നടക്കുന്ന ഷാർജ ഇൻ്റർനാഷണൽ ഓപ്പൺ പാരാ അത്‌ലറ്റിക്‌സ് മീറ്റിംഗിലും ഖത്തർ പ്രതിനിധികൾ പങ്കെടുക്കും.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
