September 14, 2023
September 14, 2023
ദോഹ: ഖത്തറിനും സൗദിക്കുമിടയിൽ കരമാർഗമുള്ള യാത്രകൾ വർധിപ്പിക്കാനും വിവരങ്ങൾ പരസ്പരം കൈമാറുന്നതും സംബന്ധിച്ച് ഇരു രാജ്യങ്ങളുടെയും ആഭ്യന്തര മന്ത്രാലയങ്ങൾ തമ്മിൽ ചർച്ച നടത്തി.അബു സമ്ര ഖത്തർ പോർട്ടും സൗദി സൽവ പോർട്ടും തമ്മിലുള്ള സഹകരണം ശക്തമാക്കാൻ ലക്ഷ്യമാക്കിയാണ് ഖത്തറിന്റെയും സൗദി അറേബ്യയുടെയും ആഭ്യന്തര മന്ത്രാലയങ്ങൾ രണ്ടാമത്തെ ഏകോപന യോഗം ചേർന്നത്.
ബോർഡർ പാസ്‌പോർട്ട് ഡിപ്പാർട്ട്‌മെന്റ് ഡയറക്ടർ ബ്രിഗേഡിയർ ജനറൽ നാസർ ബിൻ അബ്ദുല്ല അൽതാനിയുടെ നേതൃത്വത്തിലാണ് ഖത്തർ പ്രതിനിധി സംഘം യോഗത്തിൽ പങ്കെടുത്തത്. സൗദി പാസ്‌പോർട്ട് അസിസ്റ്റന്റ് ഡയറക്ടർ ജനറൽ ബ്രിഗേഡിയർ ജനറൽ സൗദ് ബിൻ ബന്ദർ അൽ സൂർ സൗദി പ്രതിനിധി സംഘത്തിന് നേതൃത്വം നൽകി.
അബു സംറ, സൽവ തുറമുഖങ്ങൾ വഴിയുള്ള പ്രവേശനവും പുറത്തുകടക്കലും സംബന്ധിച്ച് സംയുക്ത സഹകരണം വർധിപ്പിക്കുക എന്ന ലക്ഷ്യത്തോടെ മുൻ യോഗങ്ങളിൽ ചർച്ച ചെയ്തതിന്റെ തുടർച്ചയായാണ് യോഗം ചേർന്നതെന്ന് ജനറൽ നാസർ ബിൻ അബ്ദുല്ല അൽതാനി വ്യക്തമാക്കി. ഈ പദ്ധതിയിലൂടെ ഇരു രാജ്യങ്ങൾക്കുമിടയിലെ യാത്ര കൂടുതൽ സുഗമമാകുമെന്നും അദ്ദേഹം പറഞ്ഞു.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G
