December 25, 2023
December 25, 2023
റിയാദ്: സൗദിയില് അടിയന്തര ഘട്ടങ്ങളില് സ്കൂളുകള്ക്ക് അവധി നല്കുന്നതിന് സ്കൂള് പ്രിന്സിപ്പല്മാര്ക്ക് അനുമതി നൽകി വിദ്യഭ്യാസ മന്ത്രാലയം. കാലാവസ്ഥാ മാറ്റങ്ങള്, സ്കൂളുമായി ബന്ധപ്പെട്ട സുരക്ഷാ ക്രമീകരണങ്ങള് എന്നിവക്ക് പ്രിന്സിപ്പല്മാര്ക്ക് അവധി പ്രഖ്യാപിക്കാന് അനുമതിയുള്ള പുതിയ നിയമം പ്രാബല്യത്തിൽ വന്നതായി മന്ത്രാലയം അറിയിച്ചു.
അവധി നല്കുന്നതുമായി ബന്ധപ്പെട്ട പൊതുമാനദണ്ഡങ്ങളും വിദ്യാഭ്യാസ മന്ത്രാലയം പുറത്തിറക്കിയിട്ടുണ്ട്. വിദ്യാഭ്യാസ സ്ഥാപനങ്ങള്ക്ക് അവധി നല്കുന്നതിനുള്ള കാരണങ്ങളെ രണ്ട് വിഭാഗങ്ങളായി തിരിച്ചാണ് മാര്ഗനിര്ദേശം പുറപ്പെടുവിച്ചത്.
പൊതു വിദ്യാഭ്യാസ ഡയറക്ടറുടെ പരിധിയില് ഉള്പ്പെടുന്നതാണ് ഒന്നാമത്തേത്. മേഖലയിലെയോ ഗവര്ണറേറ്റിലെയോ എല്ലാ വിദ്യാര്ഥികള്ക്കും പൊതുവായി ബാധിക്കുന്ന കാര്യങ്ങളില് തീരുമാനമെടുക്കുക ഡയറക്ടറായിരിക്കും. എന്നാല് ഏതെങ്കിലും പ്രത്യേക സ്കൂളുമായി മാത്രം ബന്ധപ്പെട്ടതാണെങ്കില് ഡയറക്ടറുടെ അനുമതിയോടെ പ്രിന്സിപ്പലിന് തീരുമാനമെടുക്കാം.
കാലാവസ്ഥാ പ്രതിഭാസങ്ങള്, സ്കൂളുകളിലേക്ക് മാര്ഗ തടസ്സം, അപകടകരമായ പകര്ച്ച വ്യാധികള്, റോഡുകള് അടച്ചിടുന്ന നിര്ബന്ധിത അവസ്ഥ, രാജ്യം ആതിഥേയത്വം വഹിക്കുന്ന ഔദ്യോഗിക സന്ദര്ശനങ്ങള് എന്നിവ പൊതു വിദ്യഭ്യാസ ഡയറക്ടറുടെ പരിധിയില് ഉള്പ്പെടും. വൈദ്യുതി, വെള്ളം എന്നിവയുടെ മുടക്കം, സ്കൂള് കെട്ടിടത്തിന്റെ അടിയന്തിര അറ്റകുറ്റപ്പണി, സുരക്ഷാ പ്രശ്നങ്ങള് തുടങ്ങിയ സാഹചര്യങ്ങളില് പ്രിന്സിപ്പലിനും തീരുമാനമെടുക്കാമെന്ന് മന്ത്രാലയം വ്യക്തമാക്കി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F