March 31, 2024
March 31, 2024
മക്ക – ഇരുഹറമുകളിലും എസ്‌കലേറ്ററുകൾ ഉപയോഗിക്കുമ്പോൾ സുരക്ഷാ നടപടികൾ പാലിക്കണമെന്ന് തീർത്ഥാടകരോട് ഹജ്, ഉംറ മന്ത്രാലയം ആവശ്യപ്പെട്ടു. സ്വന്തം ആരോഗ്യ സുരക്ഷ കാത്തുസൂക്ഷിക്കാൻ വേണ്ടി, ക്ഷീണിച്ച് അവശരായിട്ടുണ്ടെങ്കിലും എസ്‌കലേറ്ററുകളിൽ ഇരിക്കരുതെന്ന് മന്ത്രാലയം നിർദേശിച്ചു. വിശുദ്ധ ഹറമിൽ തിരക്കൊഴിവാക്കാൻ നുസുക് ആപ്പ് വഴി മുൻകൂട്ടി പെർമിറ്റ് ഇഷ്യു ചെയ്തിട്ടുണ്ടെന്ന് ഉറപ്പുവരുത്തണം. പെർമിറ്റിൽ നിർണയിച്ച സമയത്ത് ഹറമിൽ എത്താൻ പ്രത്യേകം ശ്രദ്ധിക്കുകയും വേണം.
ഹറമിൽ തിരക്ക് കുറയ്ക്കൽ എല്ലാവരുടെയും കൂട്ടുത്തരവാദിത്തമാണെന്നും ഹജ്, ഉംറ മന്ത്രാലയം വ്യക്തമാക്കി. റമദാൻ അവസാന പത്തിലേക്ക് പ്രവേശിച്ചതോടെ കടുത്ത തിരക്കാണ് വിശുദ്ധ ഹറമിലും മസ്ജിദുന്നബവിയിലും അനുഭവപ്പെടുന്നത്. തിരക്ക് നിയന്ത്രിക്കുന്നതിന്റെ ഭാഗമായി റമദാനിൽ ഉംറ നിർവഹിക്കാൻ ഒരു തവണ മാത്രമാണ് പെർമിറ്റ് നൽകുന്നത്. റൗദ ശരീഫിൽ നമസ്‌കാരം നിർവഹിക്കാൻ പെർമിറ്റ് അനുവദിക്കുന്നത് വർഷത്തിൽ ഒറ്റത്തവണയായും പരിമിതപ്പെടുത്തിയിട്ടുണ്ട്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
