August 29, 2023
August 29, 2023
ജിദ്ദ: സൗദിയിലെ പൊതുസ്ഥലങ്ങളിൽ അനുവാദമില്ലാതെ മൊബൈൽ ഫോൺ ഉപയോഗിച്ച് മറ്റുള്ളവരെ ചിത്രീകരിക്കുന്നവർക്കെതിരെ നിയമനടപടികളുണ്ടാവുമെന്ന് അധികൃതർ അറിയിച്ചു. സൈബർ ക്രൈം നിയമത്തിലെ മൂന്നാം വകുപ്പ് പ്രകാരം അഞ്ചു ലക്ഷം റിയാൽ വരെ പിഴയും ഒരു വർഷം വരെ തടവും ശിക്ഷയായി ലഭിക്കുമെന്ന് സൗദി അഭിഭാഷകൻ ഫായിസ് ഈദ് അൽ അനസ് മുന്നറിയിപ്പ് നൽകി. കൂടാതെ, ചിത്രീകരണം നടത്താൻ ഉപയോഗിച്ച ഉപകരണവും സംവിധാനങ്ങളും കസ്റ്റഡിയിലെടുക്കുമെന്നും പബ്ലിക് പ്രോസിക്യൂഷൻ വ്യക്തമാക്കി.
വിദ്യാഭ്യാസ സ്ഥാപനങ്ങൾ, ആശുപത്രികൾ, മാളുകൾ തുടങ്ങിയ ഏതു സ്ഥലങ്ങളിൽ നിന്നും മറ്റുള്ളവരെ അനുവാദമില്ലാതെ ചിത്രീകരിക്കുന്നത് കുറ്റകൃത്യമാണ്. ഇതേ കുറിച്ച് അറിയാതെയാണ് പലരും സൈബർ കുറ്റകൃത്യങ്ങളിൽ പെടുന്നതെന്നും ഫായിസ് ഈദ് അൽഅനസി പറഞ്ഞു. ക്യാമറകൾ അടങ്ങിയ ഏത് ഉപകരണങ്ങളും ദുരുപയോഗം ചെയ്യുന്നതും, മറ്റുള്ളവരുടെ സ്വകാര്യത ലംഘിക്കുന്നതും സൈബർ കുറ്റകൃത്യമാണെന്ന് പബ്ലിക് പ്രോസിക്യൂഷൻ വ്യക്തമാക്കി.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/7iFkiXrjqZbE8gsI6yASj9