March 16, 2024
March 16, 2024
റിയാദ്- സൗദി അറേബ്യയെയും ബഹ്റൈനിനെയും ബന്ധിപ്പിക്കുന്ന കിംഗ് ഫഹദ് കോസ്വേയിലെ യാത്രാനടപടികള് കൂടുതല് സുഗമമാക്കിയതായി സൗദി ജവാസാത്ത് ഡയറക്ടറേറ്റ് അറിയിച്ചു. അതിര്ത്തിയില് എത്തുന്നതിന് മുമ്പേ പാലത്തിന്റെ ടോളും വാഹനത്തിന്റെ ഇന്ഷുറന്സും അബ്ശിര് പ്ലാറ്റ്ഫോം വഴി അടക്കാം. സൗദി ഡാറ്റ ആന്റ് ആര്ട്ടിഫിഷ്യല് ഇന്റലിജന്സ് അതോറിറ്റി (സദായ), സകാത്ത്, ടാക്സ് ആന്ഡ് കസ്റ്റംസ് അതോറിറ്റി, ജനറല് കോര്പ്പറേഷന് ഫോര് ദി കിംഗ് ഫഹദ് കോസ്വേ എന്നിവയുടെ പങ്കാളിത്തത്തോടെയാണ് തീരുമാനം.
അബ്ശിറില് അകൗണ്ടുള്ള എല്ലാ വിദേശികള്ക്കും സ്വദേശികള്ക്കും ഈ സംവിധാനം ഉപയോഗിക്കാനാകും. അബ്ശിറില് ലോഗിന് ചെയ്ത് 'മൈ സര്വീസസിലെ' 'അദര് സര്വീസില്' ക്ലിക്ക് ചെയ്യുക. അതിൽ 'അബ്ശിര് സഫര്' എന്ന ഓപ്ഷൻ കാണാം. ഇവിടെ 'ക്രിയേറ്റ് ട്രാവല് റിക്വസ്റ്റ്' ക്ലിക്ക് ചെയ്ത് പണമടക്കാം. നിലവില് പാലത്തിലെ പ്രത്യേക കേന്ദ്രത്തില് നേരിട്ടാണ് പണമടക്കുന്നത്. അബ്ശിര് വഴി പണമടക്കാൻ സൗകര്യം ലഭ്യമാക്കുന്നതോടെ കൗണ്ടറില് കാത്തുനില്ക്കേണ്ട ആവശ്യം ഒഴിവാകും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F